Etke jeje ko rekwojarjar rej kōnono kōn Kōm̧anm̧an eo an laļ?

Kōm̧anm̧an Eo, jān Annie Henrie Nader

Jeje ko rekwojarjar rej kōnono kōn Kōm̧anm̧an eo n̄an maron̄ katakin kōj kōn jibadbad eo ālkin im jab kōn wāween jerbale eo ekar bōk jikin.

Ke Moses ekar kajjitōk ippān Irooj n̄an “ba n̄an [e] kōn laļ in … im bareinwōt lan̄ ko,”Irooj ekar ba, “En̄in ej jerbal eo Aō im aiboojoj eo Aō—n̄an kakūrm̧ool jab wabanban im mour indeeo an armej” (Moses 1:36, 39).

Ke Irooj ekar katakin Ebream kōn Kōm̧anm̧an eo, E ekar kwaļo̧k n̄an e Ko̧o̧ņjeļ eo ilo Lan̄, ijo ajri in jetōb ro nejin Anij raar kuk ippān doon. Ebream eaar loe Jisōs Kraist ilo mour eo m̧okta an kōmeļeļeik:

“Jenaaj wanlaļļo̧k, bwe ewōr jikin ijeņ, im jenaaj bōk jān kein bobo kein, im jenaaj kōm̧m̧an juon laļ eo ioon rein remaron̄ jokwe;

“Im jenaaj mālejjon̄e er kake, n̄an lale eļan̄n̄e renaaj kōm̧m̧ani aolep men ko jabdewōt Irooj aer Anij enaaj jiron̄ er;

“… Im ro rekar kōjparok pād eo aer kein karuo renaaj bōk aiboojoj kobaļo̧k ioon bōraer n̄an indeeo im indeeo” (Ebream 3:24–26).

Kōm̧anm̧an ko reļļap im wōj an Anij, ekoba laļ in, rej m̧ōttan karōk eo An n̄an jipan̄ kōj, ajri ro Nejin, n̄an bōk lo̧mo̧o̧r im mour āinwōt Anij.