Juon Iiō Kāāl

E Jānwōde! Juon iiō kāāl. Juon iien ijjino kāāl

Bōlen kwōnaj kōm̧m̧ane juon kōttōpar n̄an iiō in ekāāl. Jet armej rej kālet juon naan n̄an pinej jenkwan ļōmņak ko aer n̄an iiō eo imaan. Iiō in, jodikdik ro jān aolepen laļ in renaaj mije ejja eoon eo wōt an jeje ko rekwojarjar: Moses 6:34, “Etetal Ippa.” karuwanene in kar letok n̄an rikanaan Inok.

Ke Inok ekar etetal ilo āne eo, Jetōb in Anij ekar itok n̄an ippān. Innām Irooj ekar kōnono n̄an e. Ekar katakini kōn karōk in m̧ōņōņō eļap eo An, me enaaj letok unin im meļeļein mour. Ke ej dedeļok an Irooj kōmeļeļeik karōk eo An, Ej leļo̧k juon karuwanene n̄an Inok: “etetal Ippa.”

Ilo am̧ etetal ilo iiō kāāl in, bōlen komaron̄ loe am̧ make kapukot m̧ōņōņō eļap, unin, im meļeļein. Komaron̄ ekkatak jān bwebwenato eo an Inok im karuwaineneik tok Irooj bwe en mōttan etetal eo am̧ iiō in.

Komaron̄ kālet n̄an etetal Ippān. Ilo am̧ kōm̧m̧ane, kōjeraam̧m̧an ko rej kōttar.

Enaaj juon iiō em̧m̧an.