Bwebwenato ko jān Kallim̧ur M̧okta
Wōtlo̧k eo: Adam im Iv
Moses 2–4; Jenesis 2–3
Kōmeļeļe ko jān Katy Dockrill
Bwebwenato eo Aer
Jikin Kallib eo
Adam im Iv raar jokwe ilo Jikin Kallib in Iden—juon jikin kallib aiboojoj ijo remaron̄ in en̄jake ejeļo̧k metak, apan̄, mej, ak lan̄lōn̄. Rej maron̄ bar lan̄lōn̄ imaan mejān Anij.
Māllijon̄ Eo
Jemed Ilan̄ eaar kean̄ er n̄an tim̧oon im orļo̧k im n̄an jab m̧ōn̄ā leen “wōjke in jeļā kōn em̧m̧an im nana.” Setan ekar kapo Adam im Iv n̄an kan̄ leen eo.
Kāālōt Eo
Adam im Iv raar kālet bwe ren m̧ōn̄ā leen. Rekar aikuj in ilo̧k jen jikin kallib eo im imaan mejen Anij, dipuki men ko repen, im em̧ool mej. Ak rekar bar maron̄ in bōk lan̄lōn̄, kōjparok kien ko an Anij n̄an neji ajri, im eddekļo̧k n̄an mour indeeo.
Karōk Eo
Ilo jinoin, Adam im Iv raar kitileek er. Ijoke ekkatak kōn karōk eo an Jemed Ilan̄, rekar jeļā bwe kāālet eo aer ekar kōtļo̧k an ajri ro nejin Jemed Ilan̄ itok n̄an laļin. Rekar jeļā bwe Jemed Ilan̄ enaaj kar jilkintok Jisōs Kraist n̄an lo̧mo̧o̧ren er (im kōj) jān jerawiwi ko ad im mej.
Bwebwenato eo Am̧
Āinwōt Adam im Iv, kwoj jokwe ilo juon laļ in en̄taan im māllijon̄, im jet iien komaron̄ kitileek ak en̄jake mijak. Ak kōn Jisōs Kraist, komaron̄ ukweļo̧k im oktak. Juon raan, kwōnaaj bar jerkakpeje im maron̄ jepļaak im mour Ippān.