Map eo Am̧N̄an Jikūm̧ Back Home
Etke elukkuun aorōk n̄an meļeļe karōk in lo̧mo̧o̧r eo?
Kōmeļeļe jān Mackenzie Alexander
Ilo Bok in Mormon, rikanaan Jarom ear jino rekoot ko an ilo an ba, “Bwe ta imaron̄ jeje eļapļo̧k jān ko ro jema raar jeje? Bwe raar jab kwaļo̧k karōk in lo̧mo̧o̧r ke? (Jarom 1:2)
Eļan̄n̄e ekar ļōmņak bwe eaar aolepen in me jekar aikuji, karōk in lo̧mo̧o̧r ej aikuj bwe en wōr tokjen!
Im ejkōnke! Ej juon karōk eweepān n̄an mour ko ad. Juon meļeļe ekabwilōn̄lōn̄ kōn karōk eo an Anij ebōk mennin ittiņo̧ an mour im men ko ejjeļo̧k ad jeļā kaki kōn ilju im jekļaj.”
Inn ā em ekōjkan an map in jipan̄ eok dipuk men ko jab jeļā kaki an mour in?
Ia Eo Iaar Itok Jān E?
Anij ej Jemōm̧ edwōj Ilan̄. Kwaar Jekar mour Ippān m̧okta jān am̧d kar ļotak. Ej iakwe eok!
Elder Alan T. Phillips jān Jiljilimjuonn̄oul ekar ba, “Kwar jab jidiklo̧k im waļo̧k tok ilo menin kōmanman, jen ro raar ejaake laļ in, kōmanman armej ilo ialan iien ko aer. Ijo ewōr kōmman, ijo ewōr rikōmanman ie.”
N̄e ej pen mour, emenin aeņōm̧m̧an n̄an jeļā bwe kwoj pād ijin kōn juon wūn im kar mije eok jān juon Jemed Ilan̄ eo ej iakwe.
N̄aij bed ia? N̄aij Etal N̄an Ia?
Kwojjab pād ijin n̄an etetal bajjek—ewōr juon am̧ mejen kajjik! Jemedwōj Ilan̄ ej kōņaan bwe kwon jepļaak n̄an m̧weeo Ippān im erom āinwōt E. Ekar kepooj karōk in lo̧mo̧o̧r eo innem bwe kwon maron̄ būki aolepen kōjeraam̧m̧an ko (lale Katak im Bujen Ko 14:7).
Jeāļ kōn karōk in lo̧mo̧o̧r eo an Jemed Ilan̄ enaaj jipn̄ eok ilo mour in. N̄e kwonaaj “ļōmņak kōn jekjek in” im ļōmņak kōn selestial, elōn̄ kāālet ko repidodoļo̧k n̄an kōm̧m̧ani—ekoba kāālet n̄an ļoor Jisōs Kraist.
Elmen Ad Tōpar Ijeņ?
Ijjelo̧kin letok n̄an kōj juon mejen kajjik, karōk in lo̧mo̧o̧r ej bareinwōt kwaļo̧k iaļ eo n̄an tōpar ijeņ.
Jisōs Kraist ej waanjon̄ak eo eweeppān an ļoor iaļ in jepļaak eo n̄an m̧weeo. Eļan̄n̄e kwoj reilo̧k n̄ E—im etetal Ippān—Enaaj jipan̄ eok jepļaak n̄an ippen Jemed Ilan̄ im erom eļapļo̧k einwōt E. Āinwōt Elder Sergio R. Vargas jāen Jiljilimjuonn̄oul eo kar ba “Tum̧wilaļ in kajjojo iaad wōj ej juon ikideelel n̄an ro̧o̧l n̄an m̧weeo im̧ōd ilan̄, im Jisōs Kraist ej ad unin tōl eo ad jāen lan̄. E ej iaļ eo.”
Ta eo n̄e In a aej Jebwābwe?
Em̧ool kōn juon map, komaron̄ kōm̧m̧an juon iaļ ebōd. Kwonaaj baj kōm̧m̧an wōt bōd. Ijoke jab inepata! Jemedwōj Ilan̄ ekar letok juon Rilo̧mo̧o̧r innāem bwe kwon maron̄ ukweļo̧k aolep raan, oktak n̄an E, im erom eļapļo̧k āinwōt E. Keeme emej: “Jejjab pād ilo iaļ in bujen eo kōn jab kōm̧m̧ane juon bōd. Jej pād ilo iaļ eo kōn ukweļo̧k aolep raan.”
Ilo am̧ ekkatak kake karōk in lo̧mo̧o̧r eo, kee eemej bwe menin eaar kōm̧m̧an kōn iakwe. Jemedwōj Ilan̄ ekōņaan bwe kwōn jepļaak n̄an m̧weeo. Im eļan̄n̄e kwoj ļoor map eo An, Enaaj jipan̄ eok tōpar ijeņ.