Te amora’a i te i’oa o Iesu Mesia

E nehenehe tātou e hi’o e pae a’e tū’atira’a ’e te ’ohipa tau maoro, nā roto i te reira tātou e rave ai i ni’a ia tātou iho i te i’oa o Iesu Mesia […]

Te tū’atira’a mātāmua ’o te fa’aaura’a ïa […] ’Ia rave ana’e tātou i ni’a ia tātou i te i’oa o Iesu Mesia, e nati tātou i tō tātou i’oa ’e tōna. E fa’aau tātou ia tātou iāna […]

Te tahi atu tū’atira’a piri i te fa’aaura’a—te ha’amana’ora’a […] Nō tātou, te ravera’a i te ’ōro’a mo’a i te hepetoma ato’a, e tauturu ia tātou ’ia ha’amana’o noa ia Iesu Mesia i te roara’a o te hepetoma […]

’Oia ato’a ’ia ’ohipa-rahi-ana’e-hia tātou e te tahi atu mau mea, e vai noa ’oia i roto i tō tātou ferurira’a, mai tā tātou e ha’amana’o i tō tātou iho i’oa, noa atu te huru o te mea o tā tātou e rōtahi ra.

Te ha’amana’ora’a i te mea tā te Fa’aora i rave nō tātou ’o te toru ïa o te tū’atira’a e tupu mai—te nā-ni’a-ra’a […] Nō tātou, hau atu ā tātou i te fa’aau ia tātou ’e i te ha’amana’o ia Iesu Mesia, hau atu ā tātou i te hina’aro i te riro mai iāna te huru […]

Te pe’era’a ia Iesu Mesia e arata’i atu ia tātou i te maha o te tū’atira’a—te ’āna’ira’a atu ’e tāna mau fā. E ’āmui atu tātou iāna i roto i tāna ’ohipa […]

[…] Teie nā ravera’a e maha e arata’i atu ia tātou i te pae o te tū’atira’a—te mana. E noa’a ia tātou te mana ’e te mau ha’amaita’ira’a a te Atua i roto i tō tātou orara’a […]

’A rave ai tātou i te mau fafaura’a hau atu ’e te Atua, tē rave ra ïa tātou hau atu ā i ni’a ia tātou i te i’oa o Iesu Mesia. Nā roto i te reira, e ha’amaita’i hau mai te Atua ia tātou i tōna mana […]

[…] ’A haere mai i tō tātou Metua i te ao ra. ’A rave i ni’a ia ’outou iho i te i’oa o Iesu Mesia […] E riro mai ’outou ’ei ta’ata ’āi’a fa’ateiteihia i roto i te bāsileia o tō tātou Metua i te ao ra, ’ei ’aifaufa’a ’e tāna Tamaiti fānau tahi, tō tātou Fa’a’ora ’e Ora here.