Te fa’aitoitora’a i te tahi ’e te tahi

E hina’aro tātou i te tahi ’e te tahi. E tae mai te pūai hanahana nā roto i te hō’ēra’a, ’e nō te reira tumu Sātane e ’ōpua ai i te fa’a’amahamaha ia tātou.

Te mea ’oto, nō te tahi o tātou, te haerera’a i te purera’a e nehenehe i te tahi taime e riro ’ei mea fifi nō e rave rahi tumu ta’a ’ē […]

Te mau ’ohipa e tupu i te fare purera’a e fa’atano i te ha’amaura’a i te mau aura’a faufa’a hina’arohia ’e te Fatu ’e te tahi ’e te tahi, e tītauhia nō tō tātou maita’i i te pae manava ’e i te pae vārua […]

Te here ’e te aupurura’a mai te huru Mesia e mea teitei ïa ’e te mo’a a’e […]

[…] E tūha’a tātou pā’āto’a nō te ’utuāfare o te Atua ’e ’ua here ’oia i te tā’āto’ara’a o tāna mau tamari’i. Tē hina’aro nei ’oia ’ia here tāna mau tamari’i iāna ’e i te tahi ’e te tahi ato’a.

E hi’ora’a te orara’a o te Fa’aora nō te here, te tāhō’ē ’e te fa’ateiteira’a ’oia ato’a nō te feiā tā te tōtaiete e vahavaha nei ’e e fa’ariro nei ’ei mea vi’ivi’i. ’O tōna hi’ora’a tei fa’auehia ia tātou e pe’e […]

Tē vai ra te taime i roto i tō tātou orara’a tāta’itahi e riro ai tātou ’o te hō’ē ’o tē hina’aro i te tauturu ’e te fa’aitoitora’a. Fafau ana’e i teienei i te rave tāmau i te mea e au nō te tahi ’e te tahi […]

’Ia ’outou tāta’itahi ’o tē mana’o nei ē, tei muri roa ’outou i teie horora’a o te orara’a tāhuti nei, ’a haere tāmau noa. noa. ’O te Fa’aora ana’e tē ha’avā maite i te vāhi e ti’a ia ’outou ’ia ti’a i teie taime, ’ua ’ī ’oia i te aroha ’e te parauti’a […]

’A tūtonu i ni’a i te Fa’aora. ’O ’oia tō ’outou ’āuri tāpe’ara’a. ’Eiaha e fa’aru’e iāna. Tē fa’a’ite pāpū nei au ē, tē ora nei ’oia ’e e nehenehe ’outou e ti’aturi iāna. Tē fa’a’ite pāpū ato’a nei au ē, tē fa’aitoito nei ’oia ia ’outou.