Tuha’a purera’a nō te avatea mahana mā’a
Te poro’i nō te ’utuāfare, e parau a te Atua
Hu’a parau
Marite
’Ua here au i te poro’i nō te ’utuāfare […] E tupura’a hanahana tō te parau poro’i, nō reira e tītauhia ia tātou ’ia fa’atura i te reira ma te tura fa’ata’ahia nō te mau parau a te Atua […]
I te fa’a’itera’ahia te poro’i, aita te reira i tū’ati i te hi’ora’a a te ta’ata e rave rahi o te ao nei. ’Eiaha i muta’a ra. ’Eiaha ato’a i teienei. Tē vai ra te feiā ’o tē uiui nei i te poro’i nō te ’utuāfare, te fa’aipoipora’a ’e te ’āpeni. ’Ua fa’aau vētahi i te ’Ēkālesia ’ia fa’aea ri’i, ’ia hi’opo’a fa’ahou, ’e ’aore rā ia vaiiho roa teie poro’i i te hiti.
Teie poro’i nō ni’a i te utuāfare, mai tā tē peresideni Hinckley i parau, e ha’api’ira’a tumu ïa, te mau taea’e ’e te mau tuahine. ’Aita te mau parau tumu i hāhi ’ē i te rēni terā rā tei roto roa ïa i tāua ’ē’a ra o te Fatu ’e tāna ’ē’a nō te fafaura’a. Te ha’api’ira’a nō roto mai i te poro’i, ua heheuhia mai te reira e tō tātou Fatu ’o Iesu Mesia i tāna mau ’āpōsetolo i ma’iri a’e nei ’e i teienei […]
Nō vētahi e fifi tō ’outou, ia ’ite mai ’outou ē e tamāri’i ’outou nā te metua i te ao ra, e tuha’a nō te ’utuāfare a tō ’outou Metua i ni’a i te ra’i ra. ’Aita roa e ta’ata e ’ite hau atu ia ’outou ’e ’aore rā tei ha’apa’o hōhonu roa ia ’outou i iāna. ’A fāriu iāna ra, ’a māni’i i tō ’outou ’ā’au nōna, ’a ti’aturi iāna ’e i roto i tāna mau fafaura’a […]
E ’itehia i roto i te poro’i nō te ’utuāfare ē :
« E mea ti’a i te mau metua tāne ’e i te mau metua vahine ’ia tauturu te tahi i te tahi ’ei hoa ’aifāito. »
’Aifāito, e ta’o faufa’a roa tenā […]
’Ia ora ana’e tātou ’e tō tātou mata tūtonu i ni’a i te hanahana o te Atua, e fa’atura tātou te tahi i te tahi ’e e pāturu tātou te tahi i te tahi […]
’Ua hōro’a mai tō tātou Metua i ni’a i te ra’i ra te poro’i nō ni’a i tē ’utuāfare nō te arata’i ia tātou i te fare iāna ra, ’e nō te ha’api’i ia tātou ’ia ’ī i te aroha, te pūai, te ’ōpuara’a, ’e te hāro’aro’ara’a mure ’ore.