Tuha’a purera’a nō te avatea mahana mā’a
’Aita e ta’ata e pārahi ’āta’a
Hu’a parau
’Āfirita Apato’a
Esetonia
I roto i te parabole nō te ta’ata maita’i nō Samaria, tē ani mai nei Iesu ’ia haere mai i te tahi ’e te tahi, ’e iāna ato’a i tōna fare tīpaera’a—tāna ’Ēkālesia […]
Te vārua nō te « pārahira’a i te fare tīpaera’a », ’oia ho’i ïa « ’aita e ta’ata e pārahi ’āta’a. » ’Ia haere mai ’oe i te purera’a ’e ’ua ’ite ’oe i tei vai ’āta’a, e fa’ari’i ānei ’oe e haere e aroha atu ’e e pārahi i pīha’i iho iāna ? […]
« ’Aita e ta’ata e pārahi ’āta’a » te aura’a ato’a, ’aita e ta’ata e pārahi ’āta’a i te pae manava ’e i te pae vārua. ’Ua haere māua te hō’ē metua tāne ’ā’au ’oto e hāhaere i tāna tamaiti. Tau matahiti nā mua atu, ’ua ’oa’oa roa terā tamaiti i te rirora’a ’ei diakono. I terā taime ’ua ho’o roa mai tōna ’utuāfare i te tia’a ’āpī nōna, tōna tia’a mātāmua.
I te fare purera’a rā, ’ua fa’ao’ō’o te mau diakono iāna ’e tōna tia’a. E mea ’āpī tōna tia’a, ’ua hope rā te tau nō terā hōho’a tia’a. Ma te ha’amā ’e te māuiui, ’ua parau teie diakono iti ē e’ita fa’ahou ’oia e haere i te purera’a. Tē ’oto noa nei ā tō’u ’ā’au nōna ’e nō tōna ’utuāfare […]
I roto i tāna ’Ēkālesia tei fa’aho’ihia mai, tātou pā’āto’a te mea maita’i a’e ’aita ana’e e ta’ata e pārahi ’āta’a. ’Eiaha na tātou e fa’ari’i noa ’e e vaiiho noa. Mānava mau ana’e, e hi’o ia rātou, e aupuru, e here […]
I teie mahana, e rave rahi roa tē vai nei te mana’o mo’emo’e ’e te vai ’āta’a […]
E rave rahi tumu e tupu ai te mana’o ’aita tō tātou pārahira’a i te ’ēkālesia nei—e hōho’a ïa nō te pārahi ’āta’a […]
Tē ani mai nei te Mosia 18:21 ’ia ha’une i tō tātou ’ā’au i roto i te tāhō’ēra’a ’e te here. Tē ani nei au ia tātou ’ia fa’aiti iho i te ha’ape’ape’a, i te ha’avā, i te fa’ahepo ia vetahi ’ē—’e ’ia tītauhia ana’e, ’ia fa’aiti iho i te rave ’eta’eta ia tātou iho […]
E hōhonu atu ā te tā’amura’a fafaura’a ’a haere mai ai tātou i te tahi ’e te tahi ’e i te Fatu i tāna fare tīpaera’a. E ha’amaita’i te Fatu ia tātou pā’āto’a ’aita ana’e e ta’ata e pārahi ’āta’a.