Fa’aheihia i te maita’i o te hitahita ’ore

’Ua parau te Fatu : […]

« ’E ’aita e ti’a i te hō’ē ta’ata ’ia tauturu i teie nei ’ohipa maori rā ’ia ha’eha’a ’oia ’e ’ia ’ī roa ho’i i te here, ’ia vai iāna te fa’aro’o, te ti’aturi, ’e te aroha, ma te hitahita ’ore i te mau mea ato’a, noa atu te mea e tu’u-ti’aturi-hia iāna ra. »

Te arata’ira’a a te Fa’aora tei pāpa’ihia i roto i teie heheura’a mo’a, tē fa’aha’amana’o mai nei te reira ia tātou ē, te hitahita ’ore e ha’apāpūra’a faufa’a ïa nō te hō’ē niu ’āueue ’ore i roto ia Iesu Mesia […]

I rotopū i te mau huru maitata’i o te mau ’āpōsetolo mau a te Mesia, e au te hitahita ’ore, mai te ’ana’ana o te Fa’aora, e hotu faufa’a rahi nō te vārua, e roa’a ho’i te reira i te feiā ato’a e pūpū ia rātou iho i te fa’aurura’a nō te ra’i mai […]

’Ia fa’aitoito te mau pipi a te Mesia ’ia fa’ahotu i te reira huru Mesia, e riro mai rātou ’ei mau ta’ata hau atu i te ha’eha’a ’e te ’ī i te here […]

[…] Tē ani manihini mai nei te ’evanelia a Iesu Mesia ’ia fa’a’ohipa i te reira huru maita’i i roto iho ā rā i te mau taime fifi, nō te mea i taua mau taime mau ra e fā mai ai te huru mau o te ta’ata […]

I roto i te tau ’ohipara’a a te Fa’aora i ni’a i te fenua nei, ’ua ’itehia te hitahita ’ore i roto i te mau fāito ato’a o tōna huru ta’ata […]

Iesu Mesia, tei hau i te rahi i te mau ta’ata ato’a, ’ua māuiui ’oia nō tātou, ma te tahe te toto nā roto mai i te i’o, ’aita roa atu rā ’oia i vaiiho i te riri ’ū’ana ’ia fa’a’ahu i tōna māfatu, ’aita ato’a i fa’ahiti i te mau parau ’iriā, te fa’a’ino ’aore rā, te vi’ivi’i, noa atu te māuiui rahi […]

[…] ’Ia fa’aitoito ana’e tātou ma te fa’aro’o i te fa’atupu i te hitahita ’ore i roto i tā tātou mau ’ohipa ’e tā tātou mau parau, tē fa’a’ite pāpū atu nei au ē, e ha’apūai ’e e ha’amau pāpū tātou i tō tātou orara’a i ni’a i te niu o tō tātou Fa’aora.