Te mau peropheta o te Atua

’Ua fa’a’ite pāpū te Fatu i te hō’ē vahine nō Sumena ē, Elisaia ’o te hō’ē ïa peropheta a te Atua, ’e ’ua rave ’oia [te vahine] ma te ’īritira’a i tōna fare nō te fa’ari’i iāna [Elisaia].

E nehenehe ato’a tātou e fa’ari’i i te hō’ē ’itera’a pāpū o te ta’ata iho nō te peropheta a te Atua i teie mahana ’e ’ia ’īriti i tō tātou māfatu ’e tō tātou ferurira’a—tō tātou fare—i te parau poro’i tā tō tātou Metua i te ao ra e vai ra nō tātou i teie mau mahana hope’a nei […]

E aha te hō’ē peropheta ? Te hō’ē peropheta ’o te hō’ē ïa ta’ata ’o tei pi’ihia e te Atua nō te paraparau nōna […]

E mau hi’o ’e e mau heheu parau te mau peropheta. Te aura’a o te reira, e nehenehe rātou e hi’o i te mea tā vetahi e ’ore e nehenehe e hi’o, ’e e nehenehe rātou e tohu i te mau tupura’a ’ohipa i muri nei […] E fa’ari’i te mau peropheta i te mau fa’auera’a ’e te mau heheura’a nā roto mai i te Fatu […]

E poro ato’a te mau peropheta i te ’evanelia ’e e mau ’orometua ’e e mau ti’ati’ave’a fa’auruhia nā te Atua, nō te mau ta’ata ato’a i te fenua nei […]

E fa’a’ite pāpū te mau peropheta nō te Mesia—tōna vaira’a, tāna misiōni ’e tōna hanahana […]

’Ua ha’api’i mai te vahine nō Sumena ia tātou ē, e nehenehe e roa’a ia tātou teie ’itera’a pāpū nā roto mai i te Vārua Maita’i. Tē parau fafau nei au ia ’outou ē, i te taime ’a ’ite ai tātou e mau ti’a fa’atāhinuhia rātou nā te Atua, e ’ōhie mai a’e tō tātou orara’a noa atu te mau tāfifira’a e tupu nei, nō te mea e ha’apa’o maita’i tātou i tō rātou reo ma te ti’aturi, te fa’aro’o ’e te tīa’ira’a. E mea faufa’a roa ’ia fa’aro’o ’e ’ia ha’apa’o maita’i i te reo o te peropheta, nō te tāpe’a mai i te mau mea maita’i e tae roa i te Tae-piti-ra’a mai o tō tātou Fa’aora […]

Tē māuruuru nei au nō te mau arata’ira’a ’e te mau tauto’ora’a itoito a te mau peropheta ora […] Nā te Fatu noa e mā’iti i tōna mau tāvini.