Tē rave ’oi’oi nei te Fatu i tāna ’ohipa

Tē vai nei te fa’a’itera’a pāpū ē tē mara’a ra te fa’aro’o ia Iesu Mesia i tō tātou nei ’anotau. I roto i Te ’Ēkālesia a Iesu Mesia i te Feiā Mo’a i te mau Mahana Hope’a nei, ’ua ’itehia te mara’ara’a fa’ahiahia o te feiā fa’afāriu ’e tā rātou ’ohipara’a […]

[…] ’A rave ’oi’oi ai te Fatu i tāna ’ohipa, e mea tano tātou ’ia here, ’ia aupuru ’e ’ia tāvini i te feiā e fa’ari’i i tāna ’evanelia […]

’Outou te ta’ata ’āpī ’aore rā ’outou tē ho’i mai nei i te fa’aro’o, e mau fifi paha tā ’outou e fa’aruru. ’A fa’a’oroma’i ia ’outou iho […]

E mea faufa’a tumu ’ia fa’ari’i i te mau ’ōro’a ’e i te mau fafaura’a ’e ’ia ora i te mau fa’auera’a. ’A rōtahi i ni’a i te mau fafaura’a tei tītauhia nō te fa’ateiteira’a […]

Te ha’api’ira’a i te ha’api’ira’a tumu ateate a Iesu Mesia, e tītaura’a ïa nō te orara’a tā’āto’a, nō te māramaramara’a i te ha’api’ira’a tumu ’e nō te orara’a i te orara’a mai te Mesia te huru. E hōro’a te mau fafaura’a tumu i te pu’e ture tā tātou e fa’ahōho’a nei i te ’ē’a nō te fafaura’a […]

Mai te mea e ha’amau ’outou i te fā ’ia fa’ari’i ma te ti’a mā i te fafaura’a tāta’itahi tītauhia nō te fa’ateiteira’a, ’ei ni’a ’outou i te ’ē’a e arata’i atu i te bāsileia tiretiera. ’Ia riro te hiero ’e te mau ’ōro’a o te hiero ’ei rōtahira’a nō tātou […]

Tātou pauroa tē ’ite i tō tātou tū’ati ’ore ’a tūtava ai i te riro mai ia Iesu Mesia te huru. Maoti tāna tāra’ehara e ti’a ia tātou ’ia tātarahapa i te mahana tāta’itahi ’ia hape tātou […]

E ’ere iho ā i te mea ’ōhie ’ia pe’e i te Fa’aora ’e i tāna ha’api’ira’a tumu ’e i tāna mau ha’api’ira’a i roto i te hō’ē ao ’ārepurepu tāmau […] ’Aua’a a’e te mau peropheta ora e hōro’a nei i te arata’ira’a tei tītau-ta’a-’ē-hia nō tō tātou ’anotau […]

[…] Tē hōro’a nei au i tō’u ’itera’a ’āueue ’ore ’e te pāpū ē, tē ora nei Iesu Mesia ’e nō tāna tāra’ehara e nehenehe tātou e hō’ē iāna ra.