Tāmatahia ’e ha’apūaihia i roto i te Mesia

I mūta’a a’e nei, ’ua hina’aro vau e ha’api’i i te ihitumu ’e te nūmera i roto i tā’u mau matahiti ha’api’ira’a tuatoru. ’Ua hepohepo roa vau […] ’Ua ha’amata vau i te feruri i te fa’aea, i te rave i te hō’ē mea ’ōhie a’e.

’Ua paruparu vau. ’A pure ai au, ’ua fāri’i au i te ti’aturira’a hau nō ’ō mai i te Fatu. ’Ua tāvevo mai teie a’ora’a i roto i tō’u ferurira’a : « Te tāmata nei au ia ’ōe, te ti’a ato’a nei rā vau i piha’i iho ia ’ōe » […]

’Ua ’ite a’era vau ē, ’ua riro tō’u ’arora’a i te pae nō te ahu ’ei ō nō roto mai i te Fatu. ’Ua ha’api’i mai ’oia iā’u ē, nā roto i tāna tauturu, e nehenehe au e rave i te mau mea ’o tē au ra ē, ’aita e ti’a iā’u mai te mea ē, tē vai ra tō’u fa’aro’o ē, tei reira ’oia nō te tauturu iā’u. Nā roto i teie hōro’a, te ha’a nei te Fatu nō te tāmata ’e nō te ha’apūai iā’u.

[…] Nō te tāmatamata i te hō’ē tāpū ’āuri, e tītauhia ’ia tu’u i te reira i raro a’e i te fa’ahepora’a […] E’ita te ’āuri e paruparu ’ia tāmata-ana’e-hia. Te parau mau, e riro te reira ’ei mea ti’aturihia, ’ei mea pūai roa nō te amo i te mau hopoi’a rahi a’e […]

’Ia tāmau noa ana’e tātou i te fa’aro’o ia Iesu Mesia—noa atu ē, ’e’ita te mau mea e nehenehe e ravehia i taua taime ra—e pūai a’e tātou i te pae vārua […]

Nō tāna Tara’ehara hanahana, e nehenehe Iesu Mesia e ha’apūai ia tātou i roto i tō tātou mau tāmatara’a […]

[…] E tae mai i roto i te muhu ’ore, nā roto i te mau tāmatara’a o te orara’a ’utuāfare. E tae mai nā roto i te ma’i ’aore rā ’ino’ino ’aore rā ōto ’aore rā te vai-’ōtahira’a.

Tē ha’apāpū nei au ē ’aita te reira mau mea e fa’a’ite mai nei ē ’ua fa’aru’e te Fatu ia ’outou. ’Are’a rā, e tāpa’o te reira ē, tē here roa nei ’oia ia ’outou nō te ha’amaita’i ē nō te ha’apūai ia ’outou. Tē fa’ariro nei ’oia ia ’outou ’ei mea pūai tano nō te amo i te fāito o te ora mure ’ore.