Tuha’a purera’a nō te po’ipo’i mahana mā’a
’A fa’atano atu i tō ’oe māfatu ia Iesu Mesia : Te hōro’a mo’a o te pehe Paraimere
Hu’a parau
Peretīria
Firipino
Marite
’Ua ’itehia mai iā’u te ’oa’oa i roto i te tū’atira’a ’e te tahi atu feiā mo’a nā roto i te reo o te hīmene mo’a. ’E i roto iho ā ra i te mau hīmene ’ōhie a te Paraimere, ’ua nā ni’a a’e te Vārua Maita’i i te mau pāruru o te reo ’e ’ua fa’a’ī i tō’u ’ā’au i tāna mau muhumuhura’a […]
[…] Te hīmene a te Paraimere ’o te hō’ē ïa o te mau mauiha’a faufa’a rahi roa a te Atua, nō te tānura’a i te mau huero o te ’itera’a pāpū i roto i te mau māfatu o te mau pipi ’āpī roa a’e a te Fa’aora […]
[…] ’Ua riro noa na te pehe ’ei niu mau nō te ha’api’ira’a i te mau tamari’i i te ’evanelia. E nehenehe te mau hīmene a te Paraimere e riro ’ei reo pae vārua mātāmua o te hō’ē tamari’i, nō te mea e ta’ira’a reo ’ōhie ’e te fa’ahiahia tō te reira nō te a’o i te mau parau mau o te ’evanelia […]
E nehenehe ato’a te mau hīmene a te Paraimere e riro ’ei mauiha’a pūai nō te ha’api’ira’a i te ha’api’ira’a tumu. Tē fa’ati’a nei te tahi mau hīmene i te mau ’ā’āmu o te orara’a o te Fa’aora ’e tāna misiōni. Te tahi atu e ha’api’i nei i tōna huru, mai tōna fa’aro’o, tōna ti’aturira’a ’e tōna aroha. ’E te mau hīmene mo’a roa a’e e fa’a’ite pāpū nei i tāna tāra’ehara hope ’ore ’e te here ’o te tahe mai nā roto mai i teie ’ohipa o te fa’aorara’a […]
[…] Hō’ē hīmene tei ha’api’ihia i te onora’a o te matahiti, e mana tōna ’ia vai mai ia tātou ra—’e e nehenehe e ho’i mai ’ahuru matahiti i muri mai i roto i te mau taime o te fa’aotira’a, te tāmatara’a, te pe’ape’a ’aore rā te ’oa’oa […]
[…] E fa’a’ohipa te Vārua i te pehe nō te nana’o i te mau parau mau mure ’ore i roto i tō rātou ’ā’au mārū. ’E, i roto i te tau, e nehenehe te mau tamari’i e mā’iti ’ia fāriu atu i tō rātou ’ā’au ’e tō rātou orara’a i ni’a ia Iesu Mesia, ma te ravera’a ’e te ha’apa’ora’a i te mau fafaura’a mo’a ’e ’ōna […]
Te mau hoa here ē, tē fa’a’ite pāpū nei au ē e ha’api’i te mau hīmene o te Paraimere i te mau parau mau mure ’ore ’e te ha’api’ira’a tumu ’o te arata’i ia tātou ia Iesu Mesia ra ’e i tāna ’evanelia.