’A rave i tā ’outou tuha’a ma tō ’outou ’ā’au ato’a

Nō te ha’apoto noa, e tītau te rirora’a ’ei pipi i te araira’a iāna iho […]

[…] E pūai a’e tō tātou fa’aro’o, ’o tō tātou ïa ha’apa’o maita’i i te Fa’aora, ’a fa’aruru ai tātou i te mau tāmatara’a ’e te mau fifi o te orara’a tāhuti. E vai maita’i noa te reira nō te mea tē fa’a’amu noa ra tātou i te reira, tē fa’a’ohipa tāmau nei tātou i te reira, ’e e’ita roa atu tātou e fa’aru’e.

I te tahi pae, ’ia ’ore tātou e fa’a’ohipa i te fa’aro’o ’e tōna mana nō te fa’a’ite, e iti mai ïa tō tātou ’ite nō ni’a i te mau mea mo’a ho’i nō tātou, e fa’aiti mai te mau mea tā tātou i ’ite i te mātāmua ē, e parau mau te reira […]

E nehenehe te auahi o te ’itera’a pāpū i nanahi ra e tāmāhanahana ia tātou nō te hō’ē tau […]

[…] E hotu ’e e rahi atu tā tātou mau ō mai te mea e fa’a’ohipa tātou i te reira […]

E parau mau paha e ’ere tā tātou mau ō i te pae vārua i te mea nehenehe i te mau taime ato’a, e ’ere rā te reira i te aura’a ē, e mea iti a’e tō rātou faufa’a […]

Nō reira, e rave ana’e tātou tāta’itahi i tā tātou tuha’a iti […]

’A ha’mana’o, ’ua rave a’ena ’o Iesu Mesia i te reira ’ohipa tu’iro’o i tōna upo’oti’ara’a i ni’a i te pohe ’e i te hara.

Tā tātou tuha’a, ’o te pe’era’a ïa i te Mesia […]

Mai te mea e mea paruparu tō ’outou fa’aro’o, ’a ha’amata nā roto i te hō’ē tīa’ira’a i roto ia Iesu Mesia e tōna mana nō te tāmā ’e nō ha’amo’a […]

’Ua ’ite tātou ē, e’ita tātou e nehenehe e riro ’ei feiā tiretiera nā roto ana’e i tā tātou mau tūtavara’a. E nehenehe rā te reira e fa’ariro ia tātou ’ei feiā ha’apa’o maita’i e ’ei ta’ata fafau ia Iesu Mesia, ’e e nehenehe tāna e fa’ariro ia tātou ’ei feiā tiretiera […]

[…] Tē māuruuru nei mātou nō te mau ta’ahira’a ’āvae tā matou i rave inanahi, ’aita rā mātou e fa’aea i reira. ’Ua ite mātou e mea roa ā te ’ē’a ’ia haere, ’e e’ita mātou e vaiiho i te reira ’ia ha’ape’ape’a ia mātou.

’O te reira te iho o tō tātou huru ’ei feiā ’ape’e i te Mesia.