E ao tō tei fa’atupu i te hau

Jesus Coming Out of the Tomb [Iesu e haere mai i rāpae i te mēnema], nā Dan Burr

E hi’o fa’ahou na i teie nā vāhi e toru i reira te feiā mo’a nō teie ’anotau e fa’atupu i te hau.

’A tahi i roto i tō tātou ’ā’au […]

[…] E ’atu’atu ’e e ha’une te ’evanelia a Iesu Mesia i teie nau huru hanahana, mai te ’ohipa fa’atupu hau, i roto i tō tātou ’ā’au, ma te ha’amaita’i ia tātou i roto i teie orara’a ’e i tō muri iho.

Te piti, e patu i te ’ohipa fa’atupu hau i tō tātou fare nā roto i te fa’a’ohipara’a i te hōho’a a te Fatu nō te ha’amaita’ira’a i tō tātou mau tā’amura’a te tahi i te tahi : te tāparura’a, te fa’a’oroma’i, te marū ’e te ha’eha’a, ’e te here mau […]

[…] Te fa’atupu hau, e fa’a’ore ïa i te hapa a vetahi ’ē ma te patu ia vetahi ’ē ma te hina’aro mau, ’eiaha rā ma te vāvāhi.

Te toru, te ’ohipa fa’atupu hau i roto i tō tātou huira’atira […]

[…] I roto i tā tātou mau ’āmuira’a ’e i tō tātou mau huira’atira, ’ia mā’iti tātou ’ia hi’o i te tahi ’e te tahi ’ei tamari’i nā te Atua.

’Ei ha’apotora’a, tē pūpū nei au i teie tītaura’a manihini […] E hi’o na i teie fa’anahora’a hō’ē hepetoma ’e toru tuha’a ’ohipa fa’atupu hau ?

1. Te hō’ē vāhi i te fare ’aita e mārōra’a : ’Ia ha’amata te mārōra’a, ’a fa’afa’aea ri’i ’e ha’amata fa’ahou ai ma te parau ’e te ’ohipa marū.

2. Te patura’a ’ē’aturu nūmeri : Hou ’a pia ai, ’a pāhono ai ’e ’a fa’a’ite ai i te mana’o i ni’a i te natirara, e ui : « E patu ānei te reira i te ’ē’aturu ? ’Aita ra, e fa’aea ïa. ’Eiaha e hāpono atu. E mono atu ma te mana’o maita’i. Ha’aparare i te hau nō te mono i te riri rahi.

3. Tātā’i ’e tāhō’ē : E nehenehe te melo tāta’itahi o te ’utuāfare e ’imi mai i te tahi tā’amura’a mi’omi’o nō te tātarahapatu atu, nō te aupuru, nō te tātā’i ’e nō te tāhō’ē […]

E tuha’a nō te hīro’a o te Mesia te ’ohipa fa’atupu hau […]

Tē fa’atupu nei tātou i tō tātou ti’ara’a hanahana e tamari’i nā te Metua here i te ao ra ’a tūtava ai tātou i te riro ’ei feiā fa’atupu hau.