’E teienei tē ’ite nei au

Tē fa’a’ite nei te pene iva nō Ioane i te taime ’a haere noa ai ’o Iesu ’e tāna mau pipi i pīha’i iho i te hō’ē ta’ata ’aiani, e mataru’i ho’i mai te fānaura’a mai ā […]

Nā Iesu i hōro’a i te aura’a mātāmua nō teie tupura’a, ma te parau i tāna mau pipi ē, ’ua tupu te reira « ’ia ’itea te ’ohipa a te Atua » […]

Te tahi ato’a parau mau pāpū maita’i nō teie ’ā’amu, ’o te mau mauiha’a ïa tā te Poiete rahi nō te ra’i ’e te fenua e fa’a’ohipa nei nō te hōro’a i teie semeio : te tufara’a ’e te rima ’ī i te repo ! Tē fa’a’ite nei teie mau mea mana’o-’ore-hia ato’a ē, e ti’a i te Atua ’ia ha’amaita’i ia tātou nā roto i te mau rāve’a ato’a tāna e mā’iti […]

E aha ïa mai te mea e tae mai te mau pāhonora’a i tā tātou mau pure nā roto i te mau rāve’a ha’iha’i, te mātaro-’ore-hia, ’e ’aore rā nā roto i te rāve’a fifi ? ’Ua hina’aro ānei tātou ’ia tāmata tāmau noa i te ora i roto i te ’evanelia a te Mesia noa atu te tufara’a ’e te ’araea e tītauhia ? […]

Tō’u fa’ari’ira’a mātāmua i te parau mau tei hōro’a mai iā’u i te ’ite ’e te ora, ’aita ïa te reira i tae mai nā roto i te fa’atāhinura’a i te ’araea ’aore rā i te pape nō Siloama. ’Aita, te mauiha’a nō te parau mau tei ’āfa’i mai i tō’u fa’aorara’a nō ’ō mai i te Fatu ra, ’ua tae mai ïa nā roto i te mau ’api i roto i te hō’ē buka, ’oia mau, te Buka a Moromona : Te tahi fa’ahou ’ite nō Iesu Mesia ! […]

[…] Noa atu rā, te hope’ara’a o te Buka a Moromona i roto i tō’u orara’a, e au i te semeio o te ravera’a i te huare ’e te repo i ni’a i te mata o te ta’ata matapō. Nō’u, ’ua riro te reira ’ei ’āuri tāpe’ara’a e pāruru i tō’u vairua, ’ei māramarama hanahana ’e te putapū nō te heheura’a, ’ei ha’amāramaramara’a i te ’ē’a tā’u e haere ’ia tae ana’e te mau ata pōiri. ’E ’oia mau ’ua tae te reira, ’e e tae fa’ahou te reira.