Aisea e i ai ai se Ekalesia a le Alii?

O le faamoemoega o le Ekalesia a Keriso o le, “ia mafai ai e tagata taitoatasi ma aiga ona fesoasoani i le Atua i le faataunuuina o Lana galuega o le faaolataga ma le faaeaga.” O le Ekalesia a Iesu Keriso o le Au Paia o Aso e Gata Ai e fesoasoani “e faaagavaa le fanau a le [Atua] mo le tikeri sili ona maualuga o le mamalu, o le faaeaga po o le ola e faavavau lea.”

“O le Faaola … ua poloaiina [le Ekalesia] e faataunuu Ona faamoemoega—talai atu Lana talalelei, ofo atu Ana sauniga ma feagaiga, ma ia mafai e Lona mana ona ta’uamiotonu ma faapaia i tatou.”

E mafai e tagata o le Ekalesia ona maua le mana ma faamanuiaga a Iesu Keriso e ala i le pule ma ki o le perisitua, feagaiga ma sauniga, taitaiga faaperofeta, tusitusiga paia, ma se nuu o le Au Paia.

Ua poloaiina foi le Ekalesia: “Tutulai ia ma susulu atu, ina ia avea lo outou malamalama ma tagavai mo atunuu” (Mataupu Faavae ma Feagaiga 115:5).

E tauivi tagata o le Ekalesia e “susulu atu” e ala i le ola ai i le talalelei, valaaulia tagata uma ia talia le talalelei, tuufaatasia o aiga mo le faavavau, ma tausia e matitiva ma e le tagolima. O le galuega lenei a le Atua mo le faaolataga ma le faaeaga.