Danna L.

Ata na pueina e Melanie Miza

Sa faia e le matou siteki se gaoioiga a le autalavou na faaautu i faifeautalai. Sa faatulaga le faleautu o le siteki e pei o se tamai Nofoaga Autu e Aoao ai Faifeautalai. Sa aoaoina i matou, ona matou o lea e fesoasoani i faifeautalai e faasoa atu le talalelei i tagata i Chimaltenango.

O nisi tagata na talia lelei i matou, ae o isi sa le fiafia, pepelo e uiga i a latou numera telefoni ma tuatusi, pe lalafi foi. O nisi taimi sa matou lotovaivai ai, ae na matou feiloai lea i tagata o ē sa mananao e faalogo ma ē foi atonu na ootia i la matou savali. E tusa lava pe ou te lei suia o latou olaga, ae sa tuputupu ae la’u molimau.

A o i ai Iesu Keriso i le lalolagi, sa tauemu tagata ia te Ia, ae sa sili atu lona popole i le manatu o le Tama ia te Ia nai lo manatu o isi ia te Ia. Afai tatou te iloa e moni le talalelei, e le manaomia ona tatou nanaina pe lagona ai le ma. O le a i ai pea le Alii iina mo i tatou.