O Le Uunaiga o le Faatinoga o Faataitaiga mo le tala

Ata na tusia e Katelyn Budge

Sa matuai ou popole lava i faataitaiga mo la’u talafaatino muamua, o lea sa ou tatalo ai ma talosagaina ia faamanuiaina i le vaega patino sa ou manao ai. A o ou tatalo, sa uunaia au e faasa’o a’u lava, o lea sa ou faaopoopo atu ai, “Afai e le o le vaega ou te manao ai, faamolemole faamanuia a’u i le vaega ou te manaomia.”

Sa matuai manaia le faataitaiga, ae ou te lei mauaina le vaega sa ou manao i ai. Sa ou maua se vaega laitiiti atu—faatasi ai ma se pese toatasi. O le vaega sa ou manao ai e le i ai lena mea. Sa ou faatuatuaina le Atua ma taliaina le vaega itiiti ifo, ma sa ou fiafia i ai! Ou te le iloa pe na ou ono iloa lo’u naunautai mo faafiafiaga pe ana fai na ou maua le vaega sa ou manao ai.

Ua ou fiafia lava sa ou faalogo i lena uunaiga. Na faamalosia ai la’u sootaga ma le Tama Faalelagi e tuu atu a’u lava i Ona aao ma fai atu o le a ou taliaina soo se vaega na ou mauaina.