O Le A Se Mea E Mafai Ona Ou Faia Pe A Faatiga Mai Se Tagata Ia Te Au?

Sa ou alu i se konafesi a le MMA i se faletalimalo ina ua uma ona faamutaina tapulaa o le faamai. O le toatele o talavou na aafia i le faamai ma feagai ma faafitauli faaleagaga ma le mafaufau. Sa foliga mai sa matou feagai ma se tasi o taua faaleagaga sili ona maoae na ou oo i ai. Ou te le i lagonaina muamua le matuai olopalaina.

I le amataga o le vaiaso, ina ua ou ulufale atu i le potu sa matou nonofo ai, sa talanoa ma talie nisi o tama e uiga i nisi o mea na aafia ai a’u i se tulaga le lelei. Sa ou faapea, “E le sa’o lenei mea.” Sa ou lagona e tatau ona ou fai atu ia i latou e tautatala filemu atili. Peitai, ina ua ou taumafai e tautala atu, sa latou tauemu mai ia te a’u ma tauai mai ni totini ia te a’u.

I lena taimi, sa ou manava loloa ai ma fesili ifo ia te au lava, “O le a se mea o le a faia e le Faaola?” Ina ua uma ona ou manatunatu loloto, sa ou tago i se totini na togi mai ia te a’u, toe faafoi atu, ma fai atu, “Vaai, e le sa’o lea mea. Faamolemole ia tautatala filemu atili. Pe tatou te faia se isi mea.”

Afai e lagona e se isi tagata le tiga pe sauaina e pei o a’u, ou te fai atu, “Mafaufau faaselesitila.” Ua valaaulia i tatou e Peresitene Russell M. Nelson ina ia avea ma e faatupuina le filemu. E tāua tele le avea ma se tagata e faatupuina le filemu, aemaise lava i taimi faigatā.

O lenei aafiaga na aoaoina ai a’u e uiga i le taua o le agaalofa ma le alofa i lou tuaoi. O lena lesona o le a tumau pea i lou loto.