E AvanoaUma

Saunia e David A. Edwards

Mekasini a le Ekalesia

E mafai e Iesu Keriso ona tuu atu ia te oe ia maua avanoa i le tele o mea nai lo le mea e te mafaufau i ai.

Vaai i nei ata. O le a le mea e tutusa ai i latou?

I se upu, o nei ata e faatatau uma lava i le avanoa. O Avanoa o lona uiga e mafai pe faatagaina ona tatou ulu atu i se nofoaga, agai atu i se tagata po o se mea, pe faaaoga pe manuia mai se mea.

Talu ai nei, sa aoao mai ai e taitai o le Ekalesia le tele o mea e uiga i avanoa. Ua latou faia le tele o faamatalaga e faapei o lenei mai ia Peresitene Russell M. Nelson:

Ia, sei o tatou vaavaai toto’a i le uiga o le avanoa i le talalelei toefuataiina a Iesu Keriso.

E Tuu mai e Iesu Keriso ia Avanoa.

Ua na o Iesu Keriso lava e mafai ai ona tatou maua avanoa i faamanuiaga silisili a le Atua i lenei olaga ma le isi. Sa faaaoga e le perofeta o Iakopo se ata e faapupula mai ai avanoa-ua-maua e ala i matafaioi a le Faaola:

“Faauta, o le ala mo le tagata ua vaapiapi, ae ua taatia tonu i se ala saʼo i ona luma, ma o le leoleo o le faitotoa o le Paia e Toatasi o Isaraelu; ma na te lē faaaogaina se auauna iina; ma ua leai se isi lava auala vagana ai i le faitotoa” (2 Nifae 9:41).

O le a lea faitotoa? Sa faamatala mai e le perofeta o Nifae:

“O le faitotoa e tatau ona outou ulu atu ai o le salamo ma le papatisoga i le vai; ona oo mai ai lea o se faamagaloga o a outou agasala i le afi ma i le Agaga Paia” (2 Nifae 31:17).

Ma tala atu o le faitotoa? O le a le mea ua tuuina mai e Keriso ia maua iai se tatou avanoa? Fai mai Nifae:

“Ona outou i ai lea i lenei ala lauitiiti ma le vaapiapi e tau atu i le ola e faavavau” (2 Nifae 31:18).

Tatou te o mai i le Faaola ma ulu atu i lenei ala e ala i le:

Faatuatua ia te Ia.
Salamo.
Sauniga ma feagaiga.
Usiusitai.
Tumau e oo i le iuga.

O le ola e faavavau o le mea lea e iu lava ina tuuina mai e Iesu Keriso ia avanoa mo i tatou. Ae e tele foi faamanuiaga ua Ia tatalaina mo i tatou i lenei olaga, a o tatou i ai i luga o le ala.

Tulaga Eseese o Avanoa i le Mana o le Atua

E finagalo le Tama Faalelagi e tuuina mai se atoaga o faamanuiaga i tagata uma, ae o le a Ia le faamalosia i latou ia i tatou. O a faamanuiaga tatou te maua e faalagolago lea i le maualuga o le avanoa tatou te mananao i ai ma naunau e agavaa i ai.

O Nisi o Mea ua Avanoa mo Tagata Uma

E pei o se paka mo tagata lautele, e i ai nisi o faamanuiaga mai le Atua e avanoa mo tagata uma —e leai se faatagaga faapitoa e manaomia.

Mo se faataitaiga, e mafai e tagata uma ona maua le avanoa i le:

alofa o le Atua.
O Le Malamalama o Keriso.
Tatalo.
O le molimau a le Agaga Paia.
Suesue i tusitusiga paia.
Auai i le lotu.

O Nisi o Mea e Na o Avanoa e maua e ala i Feagaiga

E pei o se gaoioiga e te manaomia ai se pepa ulufale, e i ai faamanuiaga e i ai i nisi tagata e i ai ni avanoa faapitoa ona sa latou mananao i ai ma faia le mea sa tatau ai ina ia maua ai.

O i latou o e osia ma tausia feagaiga o le papatisoga e mafai ona maua avanoa i faamanuiaga e pei o le:

Faamamaina e ala i le Agaga Paia ma se faamagaloga o agasala.
O le meaalofa o le Agaga Paia ma Lana mafutaga faifai pea .
Meaalofa a le Agaga.
Auai i le malumalu mo papatisoga ma faamauga (mo i latou o le a atoa le ta’i 12 tausaga pe matutua atu).
Faamanuiaga faapeteriaka.
Valaauga e auauna atu.

Faateleina Avanoa e ala i le Malumalu

A o e faaauau ai pea i luga o le ala o feagaiga, e mafai ona e faatinoina sauniga i le malumalu ma osia feagaiga iina. Na aoao mai e Peresitene Nelson ni upumoni mamana e uiga i lenei mea:

E ala i tapuaiga i le malumalu ma feagaiga o le malumalu, o le a e maua ai:

Se atoatoaga o le Agaga Paia.
Agelu e vaavaaia oe.
O tali i tatalo.
Fa’aaliga patino.
Faatuatua, malosi, ma le mafanafana sili atu.
Faateleina le malamalama ma le mana.

O le a le Uiga o Lena Mea ia te Oe?

E ala i feagaiga, ua e maua ai le avanoa e maua ai se mea e faapitoa moni lava. Na aoao mai Peresitene Nelson:

Pe a e osia ni feagaiga, e te ulu atu i se sootaga faapitoa ma le Atua ma avea ma se tasi o Lona nuu. Ona mafai lea ona tutupu ni mea matagofie:

A o e taumafai e tausia au feagaiga, o le Atua o le a ia:

Faamanuia oe i se fuataga faaopoopo o le alofa ma le alofa mutimutivale.
Faamagalo oe pe a e salamo.
Fesoasoani ia te oe e saili lou ala e toe foi atu ai ia te Ia pe a e se ese.
O le a Ia le vaivai lava i Ana taumafaiga e fesoasoani ia te oe.
O le a le uma lava le onosai alofa mutimutivale mo oe.
Fai mea uma Na te mafaia, e aunoa ma le faalavelave i lou faitalia, e fesoasoani ia te oe e tausia lau feagaiga.

Na aoao mai foi Peresitene Nelson:

O le a lea ituaiga mana?

Mo se faataitaiga, e mafai ona e maua le mana e:

Maua ai le filemu ma se ituaiga o malologa faapitoa.
Manumalo i le lalolagi ma tetee atu i ona faatosinaga faifai pea.
Aoao ai.
Salamo ma ia faapaiaina.
Saili le faamoemoe, mafanafana, ma le olioli a o e feagai ma luitau o le olaga.
Puipuia ai mai faatosinaga a le fili.

O Avanoa Sili

O le a la, le ituaiga o avanoa e te fia maua? Ma o le a se mea e te naunau e fai ia maua ai?

E finagalo le Tama Faalelagi ia i ai se sootaga vavalalata ma oe ma tuuina atu ia te oe le tele o avanoa e maua ai Lona mana. Faaauau i luga o le ala o feagaiga, ma o le a Ia tuuina atu ia te oe. Alofa ia te Ia ma lou loto atoa. Usitai. Salamo. Tagofia le faamanatuga. Alu i le malumalu.

I se aso, a o e tausia feagaiga o le malumalu, e mafai e Iesu Keriso ona tuuina atu ia te oe le avanoa silisili e maua ai le Tama—e toe foi atu ai ia te Ia, avea e faapei o Ia, ma maua “mea uma ua i ai i le Tama” (Mataupu Faavae ma Feagaiga 84:38).

E moni Lava Na te tuuina atu ia te oe avanoa i mea uma .