Aao Faamalolo

Ata na tusia e Katelyn Budge

Sa ou alapo lava i se tasi Aso Toonai, lea sa ese lava—e masani lava ona ou moe umi. Ae sa ou lagonaina se uunaiga faanatinati e savali i le fogafale i lalo, e pei o loo taitaiina au.

Sa na o lo’u tina na i ai i lalo. Sa ou iloa ai sa mafatia o ia i se mai fafano i lena taeao, o lea sa ou tagi faatasi ai ma ia ma fofō ona tauau ma vae. E ui lava i le faanoanoa, ae sa ou lagonaina le filemu. Sa filemu o’u mafaufauga uma, ma sa ou lagona le toafimalie ma le faamafanafanaina.

Sa fai mai lo’u tina atonu o loo ia te a’u ni lima faamalolo, aua o le fofo na matuai fiafia ma toafilemu ai o ia. Sa ou matuai faafetai lava ona sa mafai ona ou faamafanafanaina o ia ma aoao i lagona o le taitaiina e le Agaga.

O lenei aafiaga na aoaoina ai a’u e le manaomia ona ou faia ni mea tulaga ese e auauna atu ai i isi. E tatau ona ou laa ese mai lo’u faamaualuga ma popolega ma taulai atu i le alofa o le Atua, ma o le a Ia faaaogaina a’u e avea ma Ona aao ma aumaia Lona malamalama i isi tagata.