“Raoraou aika raraoi a kakaraoi rinerine aika I mwengabuaka iai. Tera ae N na karaoia?”

“Taetae nakoia raoraom ni kaota am namakin. Te kawai nakon te reitaki ae kakukurei e bon kona n riki ngkana ti rereitaki. N tabetai ao e bon kangaanga ibukina bwa ti taku bwa a na aki kukurei iai raoraora, ma iai aron katokana: karaoa are e karaoia Kristo ao mwakuriia ma te nanoanga.”

Luan R., 19, São Paulo, Brazil

“N tabetai raoraora a kakaraoa aia rinerine ibukin aia waaki ni kairoro naake bon roroia. Ngkana I taetae nakoia raoraou ibukin aia rinerine, I kona ni buokia bwa a na bon bukintaeka nakon aia kouru ao kakawakiia. N taai tabetai ti aki booraoi n iango iaon te bwai ae tamaroa ke ae kakawaki, ma ti riai ni karinea ana iango ma inaomatan temanna ma temanna.”

Maggie J., 18, Texas, USA

“Tao ko na bae n namakina te mweengabuaka ibukina bwa e tuangko te Tamnei ae Raoiroi bwa e kaairua te bwai are a karaoia. Kaoiia bwa iai riki te bwai ae a na kona ni karaoia.”

Lorenzo M., 12, Quezon City, Biribin

“Ko kona ni kairiia nakon kawain te Atua ke kakaeiia riki raoraom tabeman ake a na riki bwa taan kairoro nakon ae raraoi. Tataro bwa ko na ataia bwa tera te babaire ae ko na karaoia. Onimakina ana moti Tamam are i Karawa, ao E na kona ni kairiko.”

Haiden W, 15, Washington, USA

“N na karaoa au kabanea n tamaroa n riki bwa te banna ni kakairi ae tamaroa. N na tataro naba ibukiia ibukina ngkai I ataia bwa te oota e tautaeka iaon te rootongitong.”

Isaac M., 19, Lualaba, Te Tautaeka n Inaomata mai Congo

“Bwaina te aki kukuba ao te ninikoria n aron Moronaai. N tokin te tao ao a na bon iai raoraora aika a na karaoi rinerine aika a buakaka, ao ti bon kainnanoa ana buoka Tamara are i Karawa bwa ti aonga n tokanikai mai iai. Ni katoa ingabong koraki I tataro bwa I aonga ni katoka iaou ana bwai ni buaka te Atua, ao aei e na buokai n te aro ae bati!”

Asa F., 15, Utah, USA

“Tangiriia ao kaotaa am oota. A na moanna aomata n karinea am babaire. Bon tii ngai ma au utu ae kaain Ana Ekaretia Iesu Kristo ibukiia Aika itiaki ni Boong aika Kaitira n te reirei, ao n nooria bwa aomata aikoa manga taetae n aki akaaka irarikira ibukina ngkai a ataia bwa ti kaokoro.”

Penelope W., 13, Central Region, Portugal