Te Raunnano n te Maungatabu

Kamataata n te tamnei iroun Katelyn Budge

I tuangaki bwa N na taetae n tain ana maungatabu te titeiki. Ma I taku bwa e aki reke au tai ni katauraoi ibukina ngkai iai tabeu aika N na karaoia ibukin au bwai n reirei.

Ngke I tabe ni bairea ngkana tao N na taetae, ao i a mataku n te maungatabu ni kabuta. E reirei Unimwaane Carl B. Cook, “Man kammwakuran ara onimaki iroun te Tia Kamaiu, Iesu Kristo, e na buokira n tokanikai iaon te bwara n nano ao tabeua riki kanganga ake ti kaitara ma ngaia.”

I uringa bwa e kanga ni buokai te Uea ni kakoroa bukin mwiokoau n te tai ae nako. Ngkana I reita au taneiai ae onoti ma ana koaua Unimwaane Cook, I ataia bwa N na anganaki te korakora ni kakoroa bukin ae N na taetae n tain ana maungatabu te titeiki n akea te maaku.

I kakoaua bwa ngkana I namakina te aki rau n nano ke te maaku, e na kaunga nanou Kristo rinanon aia taeka burabeti ao taan kairiiri n te Ekaretia, booki aika tabu, ao aomata ake irarikiu.