“Tera ae Karika Kaokoron Am Ekaretia?”

I taneiai ni miimi bwa tera ae N na taekinna ngkana e titiraki temanna, “Tera ae Karika Kaokoron Am Ekaretia?” Ngkanne ao e a karina naba ni mate natira te mwaane n akea kaantaningakina, n katuka imwiina kainnabana ae kakateke ao natina aika aman. Inanon rawawatara, reirei n ana euangkerio Iesu Kristo are e kaokaki e uota te atatai ae e itiaki ao te raunnano. Te rongorongo ibukin te namwakaina aei e katereterei teniua angareirei aika a onoti:

Te moan, e taekinaki n te katanoata nakon te utu ae “ana babaire te Atua ibukin te kakukurei e karekea te konaa irouia utu ni kateimatoa aia itoman imwiin te mate.” (Taraa iteraniba 26.)

Te kauoua, rinanon ana Ekaretia te Uea, ti kona ni karekea te kariaia n ana nakoanibonga te Atua ao te mwaaka—bon te mwaaka naba anne are e karika te aonaaba ao ni katiteuanaia utu n akea tokina. (Taraa iteraniba 2.)

Te kateniua, ana aomata ni berita te Tia Kamaiu inanon Ana Ekaretia a katauraoi ibukin Kauoakina, are boni ngaia bukin kimwareireira. (Taraa iteraniba 18, 22.)

Ngkai ko kamatebwaia te rongorongo aei, I tataro bwa ko na kunei koaua bon ibukim ao ni kunei am kaeka nakon te titiraki, “Tera ae karika kaokoron am ekaretia?”