Ko̧o̧to̧t ke menin n̄an kape jān intōrnet ak artificial intelligence n̄an katak ko an jikuuļ?

Uwaak eo emōkaj ej aaet.

Kein jerbal ko raan kein an technology ej likūt meļeļe ko repidodo tōpare. Ej juon kein jerbal eļap im em̧m̧an n̄an kappukōt meļeļe ko im ekkatak. Bōtaab kajjitōk eo ko̧o̧to̧t ke menin n̄an kape jān intōrnet ak artificial intelligence n̄an katak ko an jikuuļ ejjab n̄an wōt pukot tum̧akaj eo. Eļap wōt kōn ta kōttōpar in jeļāļo̧kijen eo am̧.

“Jemedwōj Ilan̄ ej kōņaan bwe leddik ro im ļaddik ro nejin ren ekkatak aolep iien. … Jeļāļo̧kijeņ …ej m̧ōttanļo̧k kōttōpar eo am̧ indeeo n̄an erom̧ āinwōt Jemedwōj Ilan̄.” (N̄an Kōkajoorļo̧k Jodikdik Ro: Juon Bok in Tōl n̄an Kōm̧m̧ani Kāālet ko [2022], 31). Jekjekin jeļāļo̧kijeņ in ej kōn ejaake kōļmenļo̧kijeņ eo am̧ im jeļāļokijeņ eo am̧. Ejjab kōn ta eo komaron̄ ko̧jekdoone ilo am̧ kōm̧m̧ane jerbale ko n̄an ka kūrm̧ool men ko rej menin aorōk.

Im ilo kajjitōk eo kōn ko̧o̧to̧t: eļan̄n̄e jikuuļ eo am̧ ak rūkaki eo ej jiron̄ eok n̄an jab kape jān intōrnet ak artificial intelligence, innām jab kōm̧m̧ane. Eļan̄n̄e rūkaki eo am̧ ej jittōn̄ eok n̄an jeiki juon men, innām kwon jeiki. Eļan̄n̄e kwojjab lukkuun jeļā ta eo ej ekkar ilo jabdewōt jerbal ko liwaji, kajitūkin rūkaki eo am̧.

“Mour kōn m̧ool ej meļeļein bwe kwoj m̧ool kōn aolepen būruom̧—eļapļo̧k jān ta … ej pidodoļo̧k” (N̄an Kōkajoorļo̧k Jodikdik Ro: Juon Bok in Tōl n̄an Kōm̧m̧ani Kāālet ko, 31).