Itok, Ļoor Eō
Mennin Aorōk ko Ņooji
Lale ta men dikdik eo itōrerein ilo jeje ko rekwojarjar.
Irooj enaaj pukwōj rikōjdat ro ad ilo iien ko An make.
Em̧ool Irooj enaaj pukwōj rikōjdat ro ad.
N̄an “pukwōj” ro jet meļeļein pukwōje, ilbōk, anjo̧, āliklik, mijak, ak kōjekdo̧o̧n er.
Ilo iien eo Irooj eaar ba n̄an Josep Smith bwe “eļan̄n̄e jabdewōt armej ej kotak anikien ņae kom̧ro naaj pukwōj e ilo iien eo Aō make” (Katak im Bujen Ko 71:10; naan ko kar kobaiktok), Ekar kallim̧ur bwe ro rej jum̧aeik gospel in renaaj juon raan renaaj ioon kāālet ko renana.
“Ilo iien eo Aō make” meļeļein bwe Irooj ewōr an Irooj make iien. Jej aikuj jeļā bwe eban lōn̄ armej renaaj kajju bōk eddoin kōm̧m̧an ko aer make—ak ej em̧m̧an wōt. Jemaron̄ lōke ankilan Irooj im iien eo An.
Jej aikuj jutak kōn m̧ool eo, aaet. Bwe n̄e jej kōm̧m̧an āindein, jej aikuj kautiej tōmak im jim̧we ko an ro jet n̄an kāālet n̄an jab bōk gospel in.
Jab inepata kōn armej ro rej kōm̧m̧ane jerbal eo aer n̄an jum̧ae im kakkure Kabun̄ in, ro rej riab im kabōd tōmak in ad. Leļo̧k n̄an Irooj. E enaaj pukwōj er im leļo̧k n̄an er jidik iien n̄an ekkatak im oktak—em̧ool.
Āinwōt kōj, menin mour ko rej menin kōm̧anm̧an indeeo jen Jemedwōj Ilan̄.
Menin mour ko nejid kar kōm̧anm̧an jān bar Jemedwōj Ilan̄.
Emaron̄ in meļeļe bajjōk, ak ewōr men ko rem̧m̧an rem̧ool kar kwaļo̧ki ilo Katak im Bujen Ko 77: Menin mour ko ewōr bar ānbwinier!
En̄in ej juon men eo elōn̄ armej rej tōmak—kake en̄jake m̧ool—men̄e Baibōļ im Bok in Mormon rejjab lukkuun kwaļo̧ke. Kiiō Irooj eaar kwaļo̧k ilo tōōm̧ in ejjeļo̧k ejeļā kake.
Āinwōt armej “mennin mour” im “mennin kōm̧anm̧an ko” im “bao ko mejatoto” raar jetōbin menin kōm̧anm̧an ko m̧oktata. Ānbwin jetōb ko aer, āinwōt kōj, rej koba ippān ānbwin kanniōk. Im er, āinwōt kōj, naaj m̧ōņōņō “naaj lo̧udin̄din̄ indeeo”—m̧ōņōņō im lan̄lōn̄ ilo ānbwnnin jerkakpeje eo aer. (Lale Katak im Bujen Ko 77:2–3.)
Jejeļā Jemedwōj Ilan̄ ekar kōm̧anm̧an menin mour ko, letok n̄an kōj bwe kōjparoki, im kōņaan bwe jen jouj n̄an er. Āinwōt kōj, menin mour ko rej menin kōm̧anm̧an indeeo jen Jemedwōj Ilan̄.
Kōjerbal kōjeraam̧m̧an ko rōm̧m̧an kwoj būki.
Ļōmņak eo kōn kajoor eļap ej itok eddo eo eļap ejjab aikuj waļo̧k ippān eo ebun̄bun̄. Rilo̧mo̧o̧r eaar kwaļo̧k ejja naan in ke Ekar ba n̄an Rikanaan Josep Smith: “Eo n̄an e eļap kar leļo̧k eļap” (Katak im Bujen Ko 82:3).
Taļōn ko ad, menin letok ko, im kōjeraam̧m̧an ko rej itok jān Irooj. Ej juon pepe ejjab em̧m̧an n̄an bōke. Eļan̄n̄e Irooj ekar kōjeraam̧m̧an eok kōn juon ļōmņak em̧m̧an im juon maro kōn jeļāļo̧kjeņ, aaet kwoj jerwane am̧ iien ilo jikuuļ im jerwane grade ko, innām ebōd am̧ kōjerbal menin letok ko am̧. Menin ej etal ejja n̄an ro rūkkure ro rej kōjerbal aer kajoor n̄an kajjirere kōn ro jet, ak armej eo ejeraam̧m̧an ej kōjerbal jeļā eo an n̄an kōjerbale n̄an kōmetak ro jet (elōn̄ iaad ej aikuj in jerbale menin).
Irooj ekōņaan bwe jen kōm̧m̧ane ijo kuņaad em̧m̧antata—im ej n̄an keidi maron̄ ko ad make, ilo wāween in, ejjab n̄an ro jet. Pedped ioon kain rot kapeel eo jej kōnono kake, eo am̧ “em̧m̧antata” emaron̄ em̧m̧anļo̧k ak nana ijelo̧kin “em̧m̧antata” eo an ro jet. Im menin em̧m̧an! Kwon m̧ōņōņō kōn am̧ kajoor im ettā kōn m̧ōjņo̧ ko am̧, im kōtļo̧k bwe Irooj en jipan̄ eok tōpar aorōk eo am̧.