“Ia Eo Imaron̄ Lo Kōjātdikdik Ie N̄e Juon Eo Ij Iakwe Emej?

Ke jema ekar bōk kakkije, men eo ekar ļap an jipan̄ eō ekar tōmak eo aō ilo Jisōs. M̧okta jen an baam̧le eo aō kar kobatok ilo Kabun̄ in, kōm kar jar Katlik. Ikar jab kōņaan etal n̄an m̧ōn jar, ak jinō eaar lukkuun ri tōmak. Ālkin an jema kar bōk kakkije, ij kemeemej an jinō kin ba ejjab kōņaan bar tōmak.

Jinō eaar wōr juon jeran eo im eaar juon uwaan Kabun̄ eo an Jisōs Kraist im Armej ro Rekwojarjar ilo Raan ko Āliktata, im ļein eaar bōktok mijenede ro n̄an m̧weo im̧ōm. Kōm ekar katak ippān doon im kar jino etal n̄an m̧ōn jar. Ikar jino in tōmak ilo Jisōs im Anij im tōmak eo aō ekar jino in eddōk. Men̄e jema ekar jako, iaar tōmak bwe juon raan kōm naaj bar loe e. Kōm maron̄ mour ippān doon ilo lan̄ kōn wōt Jisōs Kraist.

Jisōs Kraist ej iien otemjej pād n̄an kwe. N̄e kwoj en̄jake būrom̧ōj ak inepata ak kwoj ioon juon raan eo enana, komaron̄ oktak n̄an E kōnke E ej iakwe eok. Enaaj kate n̄an eok.