N̄e Mālijjon̄ ko Rej Lukkuun Ļap
Apan̄ ko rej m̧ōttan mour in. Ak kōn jipan̄, jemaron̄ loi er kōn erreimaanļo̧k eo an Anij.
To̧l Timpanogos ej juon to̧l ilo Utah, USA, me 11,00 aetokan (3,353 m) an uteej in ippān waterfalls, rock walls, meadow, im wildlife. Jutak ioon juon to̧l āinwōt in emaron̄ kōm̧m̧an am̧ dik. Koban loe ioon ak tōrerein. Emaron̄ kilep im depakpak n̄an lale.
Ijoke, ej 10 minit in ettōr jān to̧l Timpanogos bwe kwon maron̄ lo oktakin. Jān am̧ reilo̧k, kwomaron̄ lo apan̄ ko im iaļ ko me kar likūti ilo to̧l eo. Menin ej kwaļo̧k ke ewōr ro jet raar pād ijeņ m̧oktaļo̧k im bwe ewōr juon iaļ ioon im itōrere in to̧l eo.
Apan̄ kein ilo mour eo am̧ ejjeļo̧k oktakier. N̄an jelm̧ae apan̄ ko reppen kwomaron̄ en̄jake āinwōt n̄e kwoj tallōn̄e to̧l eo eļap me kwojjab lo ioon ak tōrerein. Remaron̄ in ļap im bōlen pen n̄an juļo̧ki. Jenok kein remaron̄ kōm̧m̧an am̧ en̄jake inepata, illu, mijak, ak ajimakeke.
Ak errein jet men ko n̄an kajjieon̄i. Bōk jidik iien n̄an kajjieon̄ lale jenok ko am̧ kōn juon erreim̧aanļo̧k eo eoktak—erreim̧aanļo̧k eo an Anij.
Kōn erreim̧aanļo̧k in, kwomaron̄ kilel bwe kwojjab make iam̧ n̄an mijaļ būrabōļōm̧ ko am̧. Ewōr juon Jemed Ilan̄ eo ej iakwe eok im enaaj jipan̄ eok. Ko jet, eļaptata Rilo̧mo̧o̧r, eaar bar ioon men ko reppen. Rej kōņaan lewaj n̄an eok tōl eo kwoj aikuji n̄an anjo̧ ioon apan̄ ko am̧, em̧ool men ko reļļap.
Elmen Ad Ukōt Erreim̧aanļo̧k eo Ad?
1 Ļoor karōk eo an Jemedwōj Ilan̄.
Jisōs Kraist ej ad waanjon̄ak. Katak ko Ekar katakin reļam waan, rekajoor, im pidodo n̄an meļeļe. Ej ke meļeļein ke rej aolep iien pidodo n̄an ļoori? Ekwe, jaab. Eban aolep iien. Ak kajjojo iien jej kōm̧m̧ani n̄an ļoor E ilo tōmak, ad erreim̧aanļo̧k ej jino oktak. Jej jino lo oktak ko āinwōt juon iien em̧m̧an n̄an pukot Rilo̧mo̧o̧r ijelo̧kin loi āinwōt kaje, likjab, ak apan̄ ko rej kōttoļo̧k kōj.
2 Kajjitōk ippān Anij kōn jipan̄.
Anij ej Jemedwōj Ilan̄. E ejeļā kajjiem̧, ej iakwe eok, im ej pojak in jipan̄ eok jabdewōt iien kwoj kajjitōk. Būreejtōn Russell M. Nelson eaar katakin bwe “erreim̧aanļo̧k eo an Irooj ej kōn jeļāļo̧kjeņ eo am̧ ilo mour in. An uwaaki jar ko am̧ emaron̄ in kailbōk eok im naaj jipan̄ eok bwe kwon ļōmņak kōn selestial.”
N̄e kwoj jar, Anij emaron̄ jipan̄ eok lo men ko kwojjab maron̄i kiiō. E emaron̄ tōl eok kōn apan̄ ko am̧ im emaron̄ lewaj aenōm̧m̧an im kajoor ilo am̧ ļoor E.
3 Kajjitōk ippān ro jet n̄an jipan̄.
Jemedwōj Ilan̄ ej likūt armej ro rem̧m̧an ilo mour eo am̧ ro remaron̄ jipan̄ eok. N̄e kwoj ioon apan̄ ko rej waļo̧k nae eok, ļōmņak in kōnono kake ippān eo kwoj lōke uwaan baam̧le eo, juon m̧ōttam̧, juon ritōl an Kabun̄ in, ak bisop eo am̧.
Kajjitōk ippān juon rikabwijer priesthood eo erreeo n̄an juon kōjeraam̧m̧an in kaenōm̧m̧an im tōl ilo wāween eo em̧m̧an n̄an lo eok make im mour kōn erreim̧aanļo̧k eo an Anij.
Loe ilo Alikkar
Āinwōt juon to̧l eo eutiej ej pād im̧aan am̧ iaļ, jet iien apan̄ ko am̧ remaron̄ kilepin wōt. Ak ilo am̧ mour kake karōk eo an Anij im kōtļo̧k An im ro jet jipan̄ eok, kwoj maron̄ lo oktak in apan̄ ko am̧.
Kwomaron̄ bōjrak jidik im lale bwe en wōr juon wāween n̄an anjo̧ jen apan̄ ko am̧. Jisōs Kraist ej kepooj juon iaļ bwe kwon bōke. Jekdo̧o̧n ewi jon̄an apan̄ ko remaron̄ waļo̧k, Anij ekajoor.