“Ewōr aō kāālet ko raorōk n̄an kōm̧m̧ani. Elmen aō make bōk revelesōn?”

“Kanooj katak kake ļōmņak ko rem̧m̧an im nana im kālet ta eo enaaj kalaajrak eok ippān Anij. Kemeemejmej in jar moktata, io̧ļāpen, im ālkin am kōm̧m̧ane kāālet eo am. Jetōb enaaj kepene n̄an eok ta eo ejimwe.”

Laneah S., 16, Utah, USA

“Jar im riiti jeje ko rekwojarjar enaaj 100% jipan̄. Jeje ko rej ba, ‘Kajjitōk, im kwonaaj bōk.’ Kajjitōk! Innām jerbale ta eo kwoj aikuji. Keememej, bwe Irooj ej aolep iien letok!”

Parker B., 16, California, USA

“Kajjitōk ippān Jemedwōj Ilan̄ im riiti naan ko An. Lale elmen an Jetōb Kwojarjar iwōj n̄an eok ilo am̧ je im̧we ko kajjojo raan, im kwomaron̄ lo jon̄ak ko elmen am̧ make bōk revelesōn.”

Caleb A., 18, North Carolina, USA

“Bok in Mormon ej juon iaan kein jerbal eo em̧m̧antata epād ippād n̄an am̧ make bōk revelesōn. Jemaron̄ jeļā jān waanjon̄ak ko an rikanaan ro etto.”

João C., 19, São Paulo, Brazil

“Uwaak ko am̧ reban aolep iien kajju itok, ak jet iien renaaj. Jet iien uwaak ej itok āinwōt ilo en̄jake ak al eo kwoj ron̄ kake ilo m̧ōnjar eo. Baam̧le im ro m̧ōttam̧ kwoj lōke remaron̄ bar lewaj kōkapilōklōk ko rem̧m̧an.”

Anabel V., 12, Utah, USA