Kwaļo̧k gospel eo … ilo juon Amusement Park?

Jemaanļo̧k ikar etal n̄an juon amusement park ippen ro jera jān kabun̄ in. Ke eo jera Evie im n̄a kōmro kar jutak ion ļain n̄an rollercoaster eo, juon likao etan Erik ekar kōnono tok n̄an kōm kōn jeņōļ eo an ilo YouTube. Ekar kōnono emaron̄ 15 minit kōn eļmen an jet armej ilo jikuuļ eo an kōm̧m̧an kōjak kake im jiron̄ e bwe en joļo̧k jeņōļ eo an.

Ilo kabun̄ in, ritōl ro ad raar kajjitōk ad peran n̄an bōk juon unin tōl N̄an Kōkajoorļo̧k Jodikdik ro im kwaļok ippān juon armej. Erik ekar tin āinwōt jorrāān ippān ro jeran, kōn menin ikar ļōmņak bōlen unin tōl in emaron̄ in jipan̄ e.

Ikar kwaļo̧k tok menin im kar jiron̄ e bwe en bōke menin. Ekar kajjitōk kar ta eo, im ikar kōmeļeļeik bwe menin eaar jān Kabun̄ eo aō im bwe emaron̄ jipan̄ e kōmmani kālet ko rem̧m̧an im katakin e men ko jet rem̧m̧an. Ikar jiron̄ e bwe ej aikuj riiti menin n̄e ewōr an iien. Ekar ba em̧m̧an, ekar likūti ilo bōjo eo an, im kar wōnmaanļo̧k wōt in kōnono kōn jāņōļ in YouTube eo an.

Ikar jab jeļā eļan̄n̄e ekar riiti unin tōl eo, ijoke menin in ekar katakin eō bwe komaron̄ in juon mijenede ilo jabdewōt iiō, ilo jabdewōt jikin—em̧ool ilo juon amusement park .