Lōke Irooj

Kōmeļeļein Pija ko jān Katelyn Budge

Ke sister mijinede ro raar jinoin katakin baam̧le eo aō kōn karōk in lo̧mo̧o̧r eo ālkin an jema kar mej, jet iien ij inepata im jab jeļā eļan̄n̄e ikar tōmak menin. Ak ļaddik ro jeiū im jatū rekar jokwane im kar jipan̄ eō tōmak im jab kōļmenļo̧kjeņ eļap kōn aolep men ko.

Jet iien ijjab en̄jake aō kanooj kajoor ilo Kabun̄ in. Ak n̄e ej wōr juon men eo ij inepata kake ak en̄jake juon tarpok, ij iien otemjej kajjieon̄ in ļōmņake juon men: Lōke Irooj. Ej tōl eō n̄an ijo ij aikuj in pād ie.

En̄in unin aō kōņaan etal n̄an juon mijen—n̄an meļeļe eļapļo̧k kōn E im meļeļe ta eo E ej kōņaan bwe in kōm̧m̧ane. N̄e ij loe mijenede ro im jetōb eo ippāer, ikōņaan āinwōt er. Rej jet waanjon̄ok in rikaļoor ro rem̧m̧an an Jisōs Kraist. Kōn wōt waanjon̄ok ko aer, elukkuun kairuj eō n̄an etal im mijen ālkin aō kadiwōjļo̧k jen high school. Ikōņaan leļo̧k m̧ōņōņō eļap im jeļāļo̧kijeņ eo ippa n̄an ro jera im ro jet.