Flavia C.

Pija jān Christina Smith

Jemaanļo̧k juon iaan neō ekar jako ilo juon itaak in train.

Ikar jijjet ilo train eo ke ij en̄jake an taļbo̧o̧ņ eo wōtlo̧k jen pā ko peiū—juon armej ekar koote. Ilo aō jab ļōm̧ņak, iaar kipeļ em̧m̧aan eo ļo̧k n̄an juon waan train eo ejjeļo̧k kōjem in. Ijjab lukkuun jeļā ta eo ekar waļo̧k, ijoke ejjab etto iaar pād laļ in train eo, ilo aō lamōj im kappok jipan̄.

Ikar ruj tok ilowan aujpitōļ jet raan tokālik. Ikar lo bwe ne eo neō ituanbwijmaron̄ ekar jako. Ilo tōre eo ij pād ilo aujpitōļ, ikar jan̄ elōn̄ iien ko. Ak baam̧le eo aō, ro jera, im baam̧le eo ilo m̧ōn jar eo raar pād ippa iien otemjej, rekar jipan̄ eō.

Ijeļā bwe Jemedwōj Ilan̄ im Jisōs Kraist raar barāinwōt jipan̄ eō. Mokta jān kajjojo iien m̧wijmwij, ij make jar aolep iien bwe men otemjej ren naaj em̧m̧an im bwe in jab naaj mijak. Kajjojo iien ikar en̄jake ebweer, Irooj eaar pād ijo.

Ij wōnmaanļo̧k wōt n̄an em̧m̧anļo̧k im kajjieon̄ in un m̧aanļo̧k kōn jipan̄ eo an Rilo̧mo̧o̧r.