E lawaki beka me lavetaki mai na initaneti se vuku buli me baleta na vuli?

Na kena isau vakalekaleka oya na io.

Na tekinolaji e biuta sara ga na itukutuku ena iqaqalo ni ligamu. E sa dua na iyaya cecere ni vakadidike kei na vuli. Ia na taro ni kena lavetaki mai na initaneti se na vuku buli me baleta na vuli e sega soti ni baleta na veika e ganita. E baleta vakalevu cake na inaki dina ni nomu vuli.

“Na Tamada Vakalomalagi e vinakati ira na Luvena yalewa kei na tagane me ra vuli-ka tikoga. … Na vuli … sa tiki ni nomu takete tawamudu mo yaco me vakataka na Tamada Vakalomalagi” (Me iSakisaki ni iTabagone: iDusidusi ni Vakayaco Digidigi [2022], 31). Na mataqali vuli vakaoqo sa baleta na vakatorocaketaki ni nomu vakasama kei na nomu kila ka. E sega ni baleta na veika o rawa ni drotaka mo yacova kina na kena veika gadrevi e ra.

Ena taro ni lawaki: Kevaka e tukuna vei iko na nomu koronivuli se qasenivuli mo kakua ni lavetaka mai na initaneti se vuku buli, mo kakua ni cakava. Kevaka e lesi iko na nomu qasenivuli mo vola e dua na ka, ia mo qai vola. Kevaka o sega ni kila na veika e vakatarai ena dua na ilesilesi, tarogi nomu qasenivuli.

“Na bula ena yalodina e kena ibalebale nio lomana na dina ena yalomu taucoko—e levu cake mai na nomu lomana … na veika e rawarawa” (Me iSakisaki ni iTabagone: iDusidusi ni Vakayaco Digidigi, 31).