“E vuqa sara na vakatulewa lelevu meu na cakava. Meu na ciqoma vakacava na noqu ivakatakila?”

“Vulica na vinaka kei na ca ka digitaka na veika ena vakatautauvatataki iko kei na Kalou. Nanuma mo masu e liu, ena gauna oya, kei na gauna o sa vakatulewa oti kina. Ena vakadeitaka vei iko na Yalotabu na ka e dodonu.”

Laneah S., 16, Utah, Amerika

“Na masu kei na wiliki ni ivolanikalou ena veivuke ena 100%. E kaya na ivolanikalou, ‘Dou kerekere, ena soli vei kemudou.’ Kerea mada! Qai cakacakataka na veika o gadreva. Nanuma tiko, ena dau vakarautaka tu ga na Turaga!”

Parker B., 16, California, Amerika

“Kerea vua na Tamada Vakalomalagi ka wilika na Nona vosa. Raica na sala ena dolele yani kina vei iko na Yalo Tabu ena nomu vola na veivakauqeti ena veisiga, ka rawa nio kunea na ivakarau me baleta na sala o rawata kina na ivakatakila yadua.”

Caleb A., 18, North Carolina, Amerika

Na iVola i Momani e dua vei ira na iyaya vinaka duadua e tu vei keda meda ciqoma kina na ivakatakila yadua. Eda rawa ni vuli mai na nodra ivakaraitaki na parofita ni gauna makawa.

João C., 19, São Paulo, Brazil

“Na nomu i sau ni taro ena so na gauna ena sega ni lako mai vakatotolo, ka so na gauna ena yaco mai. Eso na gauna e dau yaco mai na kena isau me vaka e dua na yalo digitaki se dua na sere o rogoca ena lotu. E rawa talega ni ra solia na ivakasala vinaka na matavuvale kei ira na itokani nuitaki.”

Anabel V., 12, Utah, Amerika