Wasei ni Kosipeli … ena dua na Vanua ni Veivakamarautaki?

Au se qai lako wale tikoga oqo ki na dua na vanua ni veivakamarautaki kei ira eso na itokani mai na lotu. Ni keirau tu kei Evie ena laini ni vodo rollercoaster, a tekivu vosa vei keirau e dua na cauravou na yacana o Erik me baleta na nona jenala ni YouTube. A vosa o koya me 15 beka na miniti me baleta na nodra vakalialiai koya eso ena nona koronivuli ka tukuna vua me bokoca na nona sala ni veiqaravi.

Ena lotu, era a bolei keimami na neimami iliuliu me keimami kauta e dua na idusidusi ni Me iSakisaki ni iTabagone ka wasea vua e dua. E vaka me sotava tiko o Erik na leqa mai vei ira na nona itokani, kau nanuma kina ni na rawa ni vukei koya na idusidusi.

Au a taura mai ka tukuna vua me maroroya. A taroga o koya se cava oya, kau vakamacalataka ni sa mai na noqu Lotu ka na rawa ni vukei koya me vakatulewa vinaka ka na vakavulica vua eso tale na ka vinaka. Au tukuna vua ni dodonu me wilika ena nona gauna ga. A kaya o koya sa vinaka, tawana ena nona taga, ka tomana tikoga na nona vosa me baleta na nona jenala ni YouTube.

Au sega ni kila ke a wilika beka na idusidusi, ia na veika oqo e vakavulica vei au ni rawa nio daukaulotu ena dua ga na yabaki ni bula, ena dua ga na vanua—e dua mada ga na vanua ni veivakamarautaki.