Ni oti na Bula Oqo
iSau ni Veitaro Eso
Na ituvatuva nei Tamada Vakalomalagi e rawa ni solia vei keda na rai kei na vakacegu me baleta na bula ni oti na mate.
Droini mai vei Thomas Arnaud
Na cava ena yaco ni da sa mate?
Oqo beka na taro ni vei lotu kece. Na isaunitaro e tu vei keda mai vei Jisu Karisito kei na Nona kosipeli e kaukauwa sara. Na bula oqo e sega ni itinitini. Baleta ni a tucaketale o Jisu Karisito, ena cokoti vata tale na yaloda kei na yagoda, eda na tucaketale ena dua na siga.
E dina sara, e tiko tale eso na veika matailalai me baleta na bula ni oti na mate ka sa yaco mai vei keda ena ivakatakila ni gauna oqo ka rawa ni sauma eso tale na taro e tu vei keda. Oqo e vica na taro vakaoqori, vata kei na so na kena isau lekaleka.
E vakacava tu beka na yago vakayalo?
Na yalo e dua na mataqali ka vakavatukana, ia e “savasava ka uasivi sara” (Vunau kei na Veiyalayalati 131:7). Na yago vakayalo e vaka na yago vakatamata uabula.
E tiko beka evei na vuravura ni yalo?
Na cava e yaco tiko ena vuravura ni yalo?
Ena maliwa ni veika tale eso, era sa tauyavutaki na yalo era sa ciqoma na kosipeli me ra vunautaka na kosipeli vei ira na yalo era se bera ni ciqoma na kosipeli. O ira na yalo oqori e rawa ni digitaka me ciqoma se cakitaka.
Era vakaevei tu beka na yago era sa vakaturi cake tale?
Na yago sa tucaketale ena sega ni mate rawa, era sa vakalewe ka vakasui ka sa uasivi sara. Era sa lagilagi ka totoka. “E sega tale ni dua na ka e uasivi cake na kena irairai me vakataka e dua na tagane se yalewa sa tucaketale.”
Na cava e yaco tiko ena matanitu vakasilesitieli?
O ira era tiko ena ivakatagedegede cecere duadua ni matanitu vakasilesitieli era yaco me vaka na Tamada Vakalomalagi ka rawata na taucoko ni reki. Era rawata na ka kecega e tu vei Tamada. Era vakaitavi ena Nona cakacaka kei na lagilagi. Era vauci ena vakamau me tawamudu ka ra sa bula tiko oqo ena matavuvale tawamudu, ka ra sa vakaluvedra vakayalo tawamudu.
Vakacava o ira era a sega ni vakawati vakadua ena bula oqo?
Na Tamada Vakalomalagi e dodonu ka yalololoma sara. “Na Turaga sa yalataka nira na sega ni vakuai mai na veivakalougatataki na luvena tagane kei na luvena yalewa era muria na ivunau, ka dina kina nodra veiyalayalati, ka gadreva na ka e dodonu.”
Erau a vauci na noqu itubutubu ena valetabu, ia oqo erau sa veisere. Au sa vauci tu beka vei cei?
O rairai “sucu ena veiyalayalati ” (oya, o a sucu ni oti na nodrau vauci na nomu itubutubu ena valetabu), se o a vauci beka vei rau na nomu itubutubu ena valetabu ni rau sa vauci oti. Se cava ga, ena tudei tikoga na nomu veivakalougatataki kevaka sara mada ga erau digitaka na nomu itubutubu me rau veisere ka bokoci na nodrau veivauci.
Na nodrau digidigi na nomu itubutubu e sega ni veisautaka na nomu veivakalougatataki. Na ka bibi oya mo yalodina tikoga ka vakasaqara vakai iko na veivakalougatataki ni valetabu. Me baleta na nomu veimaliwai vakamatavuvale, sa dodonu mo “vakararavi vua na Turaga ka vakasaqara na Nona vakacegu,” ka kila ni “Tamada Vakalomalagi ena vakadeitaka ni na ciqoma na tamata yadua na veivakalougatataki kecega e vakatara na nona gagadre kei na digidigi.”
Na cava ena yaco vei ira na mate ni ra vakamatei ira ga?
Eda sega ni kila na cava ena yaco vei ira era mate ena nodra vakamatei ira ga, ka da sega ni rawa ni vakalewai ira (me vaka ga vei ira na tamata kecega, ena kena itinitini). “Se cava ga na sasaga vinaka duadua vei ira na daulomani, iliuliu, kei na kenadau, na kukuna e sega ni dau rawarawa ni tarovi. …
“E sega ni dodonu vua e dua na tamata me muduka vakataki koya na nona bula. Ia, na Kalou duadua ga ena rawa ni vakatulewataka na nona vakasama, ivalavala, kei na ivakatagedegede ni vakatulewa na tamata oya (raica na 1 Samuela 16:7; Vunau kei na Veiyalayalati 137:9). …
“O ira e sa takali e dua na nodra daulomani mai na kukuna sa rawa ni ra kunea na inuinui kei na veivakabulai vei Jisu Karisito kei na Nona Veisorovaki.”