Nuitaka na Turaga

Droini mai vei Katelyn Budge

Nirau a vakavulica taumada na noqu matavuvale na daukaulotu marama me baleta na yavu ni veivakabulai ni oti na mate nei tamaqu, ena so na gauna au lomaleqa ka sega ni kila kevaka au vakabauta. Ia eratou a yalomalua na ganequ ka vukei au meu vakabauta ka sega ni vakasamataka vakalevu na veika kece.

Ena so na gauna au sega ni dau kaukauwa sara ena Lotu. Ia kevaka e tiko e dua na ka au lomaleqataka se dua na leqa au sotava tiko, au dau tovolea me’u vakasamataka e dua na ka: Nuitaka na Turaga. E dau dusimaki au o Koya ki na vanua meu tiko kina.

Oqori na vuna au vinakata kina me’u laki kaulotu—meu kilai Koya vakalevu cake ka kila na veika e vinakata o Koya me’u cakava. Ni’u raici ira na daukaulotu kei na yalo e tiko vata kei ira, au dau vinakata me’u vakataki ira. Era sa ivakaraitaki vinaka ni tisaipeli i Jisu Karisito. Ena vuku ni nodra ivakaraitaki, au sa nanamaki dina meu laki kaulotu niu sa taurivola oti mai na koronivuli torocake. Au vinakata me’u solia yani na marau kei na kila ka e tu vei au kivei ira na noqu itokani kei ira tale eso.