Flavia C.

iTaba mai vei Christina Smith

Au vakayalia na yavaqu ena dua na vakacalaka ni sitimanivanua wale tikoga qo.

Au dabe toka ena sitimanivanua ni’u vakila ni sa cawadru mai na ligaqu na noqu talevoni—e dua a butakoci au. Ni’u sega ni vakasamataka, au a cici muria yani na tagane oqo ena motoka ni sitimanivanua ka sega na vaka katuba tu. Au sega ni kila vinaka sara na ka a yaco, ia vakasauri ga au a tu ena ruku ni sitimanivanua, ka kailavaka tiko na veivuke.

Au a yadra mai valenibula ni oti e vica na siga. Au qai kila ni’u sa vakayalia na yavaqu imatau. Niu tiko e valenibula, au a tagi vakavuqa sara. Ia era dau tikoga vata kei au na noqu matavuvale, itokani, kei na matavuvale ni Lotu, ka vukei au tiko.

Au kila ni rau a vukei au talega na Tamada Vakalomalagi kei Jisu Karisito. Ni bera na veisele yadua, au dau masu duadua me na vinaka na veika kece ka me’u kua ni rere. Ena veigauna kece au yalolailai kina, sa dau tu e kea na Turaga.

Au sa bula vinaka cake tikoga mai ka sasagataka tiko me’u toso ki liu ena veivuke ni iVakabula.