Au na Kunea e Vei na iNuinui ni Sa Takali Yani e Dua Au Lomana?

Ni a takali yani o tamaqu, na ka e vukei au vakalevu duadua oya na noqu vakabauti Jisu. Ni bera ni mai lewena na lotu na noqu matavuvale, keitou a lotu Katolika tu. Au dau sega ni taleitaka me’u lako ki lotu, ia a dau yalodina sara o tinaqu. Ni a takali oti yani o tamaqu, au nanuma na nona kaya o tinaqu ni sa sega tale ni qai via vakabauta o koya.

A dua voli na itokani nei tinaqu ka lewe ni Lotu i Jisu Karisito ni Yalododonu Edaidai, ka kauti ira mai na daukaulotu kina neitou vale. Keitou a vuli vata ka tekivu lako ki lotu. Au sa tekivu vakabauti Jisu kei na Kalou ka sa tekivu me tubu na noqu vakabauta. Dina ga ni sa mate o tamaqu, au vakabauta ni keitou na raici koya tale ena dua na siga. E rawa nida bula vata mai lomalagi ena vuku i Jisu Karisito.

O Jisu Karisito e tiko vata kei iko ena veigauna kecega. Nio rarawa se lomaleqa se o sotava tiko e dua na siga ca, sa rawa mo gole Vua baleta ni lomani iko o Koya. Ena vala o Koya ena vukumu.