Vale Lailai, iTuvatuva Lelevu

Droini mai vei Katelyn Budge

A dau vakaitikotiko na noqu matavuvale ena dua na vale levu, ia a veisau na ka kece ni keitou toki i Hanoi. Keitou a vakaitikotiko ena dua na vale lailai sara, rauta ni 30 na mita vakarivirivi. E dredre na tiko ena dua na vanua qiqo kei na tolu tale na tamata ena noqu matavuvale.

Ia au vakavinavinaka ni rawa ni veivuke na Kalou me vakayacora na veika vinaka mai na ituvaki cava ga. Ena gauna oya, au a rawa ni dauvakadewa vosa ena lotu kei rau na noqu itubutubu. Au rawa ni masu ena veisiga, au veisoliyaka na sakaramede, kau kidavaki ira na tamata era vakataroga tiko na kosipeli. Au kila ni sa vakalougatataki au na Kalou ka dusimaki au meu cakava na veika oqori.

Ena bolebole kece ena gauna o ya, sa kaukauwa cake kina na noqu vakabauta ena veisiga yadua. E vuqa na tamata era sega ni kila tu na kosipeli ena noqu vanua, ka’u sa dua na painia gone. Au gadreva meu wasea na kosipeli i Jisu Karisito vei ira na tamata meu vukei ira mera rawata e dua na bula mamarau tawamudu vata kei Jisu Karisito kei na Tamada Vakalomalagi.