« E rave rahi fa’aotira’a rarahi tā’u e rave. Nāhea e roa’a ai iā’u te heheura’a nō’u iho ? »

« ’A ’imi māite te mea tano ’e te mea tano ’ore ’e ’a māiti e aha te mea e tāpe’a ia ’oe ’ia ’ana’i noa e te Atua. ’A ha’amana’o e pure nā mua a’e, i te roara’a ’e i muri iho i te ravera’a i tā ’oe fa’aotira’a. E ha’apāpū mai te Vārua ia ’oe i te mea tano a’e ».

Laneah S., 16 matahiti, Utaha, Marite

« E tauturu te pure ’e te tai’ora’a i te mau pāpa’ira’a mo’a 100%. Tē nā ’ō ra te mau pāpa’ira’a mo’a, ‘’a ani ’e e fa’ari’i ’oe’. Nō reira ’a ani ! I muri iho, ’a ’ohipa nō te fa’ari’i i te mea tā ’oe e hina’aro. ’A ha’amana’o, e hōro’a noa mai te Fatu ! »

Parker B., 16 matahiti, Californie, Marite

« ’A ani i te Metua i te ao ra ’e ’a tai’o i tāna mau parau. ’A hi’o e mea nāhea te Vārua Maita’i i te toro atu i te rima, ma te pāpa’ira’a i te mau muhumuhu i te mau mahana ato’a, ’e e nehenehe ’oe e ’ite mai te mau hōho’a, e nāhea e roa’a ai ia ’oe te heheura’a nō ’oe iho ».

Caleb A., 18 matahiti, Caroline Apato’erau, Marite

« Te Buka a Moromona ’o te hō’ē ïa o te mau mauha’a maita’i roa a’e tā tātou e mau nei, nō te fa’ari’i i te heheura’a nō ’oe iho. E nehenehe tātou e ha’api’i mai nā roto mai i te mau hi’ora’a o te mau peropheta tahito ».

João C., 19 matahiti, São Paulo, Peretīria

« I te tahi taime e’ita te pāhonora’a e tae ’oi’oi mai, i te tahi taime e tae mai te reira. I te tahi taime e tae mai te pāhonora’a mai te hō’ē nīno’a mana’o ta’a ’ē mau, ’aore rā mai te hō’ē hīmene ’o tā ’oe e fa’aro’o nei i te fare purera’a. E nehenehe ato’a te ’utuāfare ’e te mau hoa ti’aturihia e hōro’a mai i te parau a’o ».

Anabel V., 12 matahiti, Utaha, Marite