Nohora’a na’ina’i, fa’anahora’a rarahi

Fa’ahōho’ara’a nā Katelyn Budge

’Ua mātau noa na tō’u ’utuāfare i te ora i roto i te tahi fare rahi, ’ua taui rā te mau mea ato’a i tō mātou haerera’a i Hanoi. I reira ’ua ora mātou i roto i te tahi nohora’a na’ina’i roa, fātata e 30 metera tūea. E mea fifi ’ia ora i roto i te tahi vāhi piriha’o, e toru ta’ata i roto i tō’u ’utuāfare.

Tē māuruuru nei rā vau ē, e nehenehe te Atua e tauturu i te fa’atupu i te mau mea maitata’i mai roto mai i te mau huru vaira’a ato’a. I taua taime ra, ’ua ti’a iā’u ’ia riro ’ei ’auvaha parau i te fare purera’a ’e nō tō’u nā metua. E nehenehe au e pure i te mau mahana ato’a, e ’ōpere au i te ’ōro’a mo’a, ’e e fa’ari’i poupou vau i te ta’ata e ha’api’i ra i te ’evanelia. ’Ua pāpū iā’u ē, ’ua ha’amaita’i te Atua iā’u ’e ’ua arata’i ’oia iā’u ’ia rave i te reira mau mea.

I roto i te mau tāmatara’a ato’a i taua taime ra, ’ua pūaihia tō’u fa’aro’o i terā mahana ’e terā mahana. E rave rahi ta’ata ’aita i ’ite i te ’evanelia i tō’u fenua, nō reira e pionie ’āpī au. E hina’aro rahi tō’u ’ia fa’a’ite i te ’evanelia a Iesu Mesia i te mau ta’ata nō te tauturu ia rātou ’ia roa’a te tahi orara’a ’oa’oa a’e ē a muri noa atu i pīha’i iho ia Iesu Mesia ’e i te Metua i te ao ra.