Te ’itera’a i te ’ōpuara’a rahi

’Ua ha’uti ānei ’oe i te ha’uti ra nō te aha ? Mai teie ri’i tōna terera’a :

Nō te aha e mea ti’a iā’u ’ia haere i te ha’api’ira’a ? ’Ia roa’a te tahi ’ohipa maita’i. Nō te aha e tītauhia ’ia roa’a te ’ohipa maita’i ? ’Ia nehenehe iā’u ’ia fa’aipoipo ’e ’ia fānau i te tamari’i. Nō te aha ïa e mea ti’a iā’u ’ia rave i te reira ? ’Ia nehenehe tā ’oe mau tamari’i e haere i te ha’api’ira’a.

’Ia oti ana’e, e nā ni’a iho fa’ahou te ha’utira’a. Mai te huru ē ’aita e faufa’a ’aita ana’e te hōho’a rahi i mua ia tātou. Terā ïa tā tātou ha’amaita’ira’a. ’Ua pi’ihia te reira te fa’anahora’a nō te ’oa’oa, ’e e hōro’a mai te reira i te fā ’e te aura’a nō te orara’a. E hōro’a mai te reira i te mau tumu faufa’a nō teie orara’a ’e nō a muri atu. Terā ïa te parau faufa’a o teie ve’a Nō te pūai o te feiā ’āpī.

I roto i te parau nō te fa’anahora’a a te Metua i te ao ra—’e ’o Iesu Mesia ’e tāna tāra’ehara i rōpū maita’i o te reira—e ’ite ’oe i te hina’aro ’e te pūai nō te fa’aineine ia ’oe nō ananahi. E nehenehe tā ’oe ha’api’ira’a, te ’ohipa, te ’utuāfare ’e te tāvinira’a i roto i te ’Ēkālesia e riro ’ei tere hanahana ’eiaha rā ’ei hōpoi’a teimaha.

E noa’a ia ’oe te reira nō te mea tei roto ’oe i te rima o Iesu Mesia !