’A ti’aturi i te Fatu

Fa’ahōho’ara’a nā Katelyn Budge

I te ha’api’i-mātāmua-roa-ra’a te mau tuahine misiōnare i tō’u nei ’utuāfare nō te fa’anahora’a nō te fa’aorara’a i muri mai i te pohe o tō’u metua tāne, ’ua ha’ape’ape’a ri’i au ’e ’aita vau i ’ite e ti’aturi ānei au i te reira. Terā rā, ’ua vai hau noa tō’u mau taea’e ’e ’ua tauturu mai iā’u ’ia ti’aturi ’e ’eiaha e fa’arahi i te ha’ape’ape’a.

I te tahi taime ’aita vau e pūai roa ra i roto i te ’Ēkālesia. Mai te mea rā e mea tā’u e ha’ape’ape’a ra ’e ’aore rā e fifi tā’u e fa’aruru ra, e tāmata noa vau i te feruri i te hō’ē mea : ’A ti’aturi i te Fatu. Tē arata’i nei ’oia iā’u i te vāhi e ti’a iā’u ’ia pārahi.

Nō reira i hina’aro ai au i te haere i te misiōni—’ia māramarama roa atu vau iāna ’e ’ia māramarama ato’a vau nō te ’ohipa tāna e hina’aro ’ia rave atu vau. ’Ia ’ite ana’e au i te mau misiōnare ’e te vārua e vai ra i pīha’i iho ia rātou, ’ua hina’aro roa vau ’ia riro mai ia rātou ra i te huru. E hi’ora’a pāpū maita’i rātou nō te mau pipi a Iesu Mesia. Nō tō rātou hi’ora’a maita’i, ’ua ’ana’anatae roa vau i te haere i tā’u misiōni i muri a’e i tā’u tau ha’api’ira’a tuarua. Tē hina’aro nei au e ’ōpere i te ’oa’oa ’e te ’ite i roto iā’u nei nō tō’u mau hoa ’e ia vetahi ’ē.