I hea vau e ’ite ai te tīa’ira’a ’ia fa’aru’e ana’e mai te hō’ē tei herehia e au ?

I te pohera’a tō’u pāpā, te mea tei tauturu rahi iā’u, ’o tō’u ïa fa’aro’o ia Iesu. Hou tō’u ’utuāfare ’a tomo mai ai i roto i te ’Ēkālesia, e tatolita mātou. ’Aita vau e au e haere i te purera’a, e ta’ata ha’apa’o maita’i rā tō’u māmā. I muri a’e i te pohera’a tō’u pāpā, tē ha’amana’o nei au ’ua parau tō’u māmā ē, ’aita ’oia e hina’aro fa’ahou e ti’aturi.

E hoa tō tō’u māmā e melo ’oia nō Te ’Ēkālesia a Iesu Mesia i te Feiā Mo’a i te mau Mahana Hopea nei, ’e ’ua ’āfa’i mai ’oia i te mau misiōnare i tō mātou fare. ’Ua fa’ari’i ’āmui mātou i te mau ha’api’ira’a ’e ’ua ha’amata i te haere i te purera’a. ’Ua ha’amata vau i te ti’aturi ia Iesu ’e i te Atua ’e ’ua ha’amata tō’u fa’aro’o i te tupu rahi. Noa atu ’ua pohe tō’u metua tāne, e fa’aro’o tō’u ē e fārerei fa’ahou mātou iāna i te hō’ē mahana. E nehenehe tātou e ora ’āmui i te ra’i maoti Iesu Mesia.

Tei reira noa Iesu Mesia nō ’oe. ’Ia ’ite ana’e mai ’oe te ’oto ’aore rā te pe’ape’a ’aore rā e mahana ’ino tā ’oe i rātere mai, e nehenehe ’oe e fāriu atu i ni’a iāna, nō te mea ’ua here ’oia ia ’oe. E ’aro ’oia nō ’oe.