Fa’a’itera’a i te ’evanelia … i roto i te hō’ē ’āua ha’utira’a ?

’Aita i maoro a’enei ’ua haere atu vau i te hō’ē ’āua ha’utira’a ’e te tahi mau hoa nō te ’Ēkālesia. ’A ti’a noa ai māua tō’u hoa ’o Evie i roto i te ’āna’ira’a nō te hō’ē fa’a’ana’anataera’a mou’a teitei, ’ua ha’amata te hō’ē taure’are’a ’o Erik te i’oa i te paraparau mai ia māua nō ni’a i tāna rēni natirara YouTube. ’Ua paraparau mai ’oia fātata 15 minuti, nō ni’a i te huru o te tahi mau ta’ata i roto i tāna fare ha’api’ira’a i te fa’ao’o’ora’a iāna ’e ’ua parau iāna ’ia tūmā i tāna rēni natirara.

I te fare purera’a, ’ua anihia mai mātou e tō mātou feiā fa’atere ’ia rave i te buka arata’i Nō te pūai o te feiā ’āpī ’e ’ia fa’a’ite atu i te reira ia vetahi ’ē. E au ra tē ha’afifihia nei Erik e tōna mau hoa, nō reira ’ua manao vau penei a’e e nehenehe te buka arata’i e tauturu iāna.

’Ua ’īriti mai au i te buka ’e ’ua parau atu iāna ’ia tāpe’a atu te reira nāna. ’Ua ui atu ’oia e aha ra te reira, ’e ’ua fa’ata’a atu vau ē nō roto mai te reira i tā’u ’Ēkālesia ’e e nehenehe te reira e tauturu iāna ’ia rave i te mau fa’aotira’a maita’i ’e e ha’api’i iāna i te tahi atu mau mea maita’i. ’Ua parau atu vau iāna ē e ti’a iāna ’ia tai’o i te reira ’ia taimehia tōna. ’Ua parau ’oia nā reira, ’ua tu’u ’oia i te reira i roto i tōna pūtē, ’e ’ua tāmau ā i te paraparau nō ni’a i tāna rēni natirara YouTube.

’Aita vau i ’ite ē ’ua tai’o a’ena ānei ’oia i te arata’i, ’ua ha’api’i rā teie ’ohipa i tupu iā’u ē e nehenehe ’outou e riro ’ei misiōnare i te mau huru matahiti ato’a, i te mau vāhi ato’a—nā reira ato’a i roto i te hō’ē ’āua ha’utira’a.