ចំគោលដៅ
តើយើងរស់នៅក្នុងពិភពលោកនេះ ហើយ « ត្រូវទុកចោលរបស់ទាំងឡាយនៃពិភពលោកនេះ » យ៉ាងដូចម្តេច ?
The Disciples Whom He Had Chosen ដោយ ខេស៊ី ឆាលដ៍
ព្រះអម្ចាស់បានព្រះបន្ទូលថា « អ្នកត្រូវទុកចោលរបស់ទាំងឡាយនៃពិភពលោកនេះ ហើយចូរស្វែងរករបស់ទាំងឡាយណាដែលគ្រាន់បើជាងនេះវិញ។ » ( គោលលទ្ធិ និងសេចក្ដីសញ្ញា ២៥:១០ ) ។ នេះមិនមែនមានន័យថា យើងមិនអើពើពីតម្រូវការខាងសាច់ឈាម និងសម្ភាររបស់យើងនោះទេ គឺវាមានន័យថា យើងមិនផ្តោតដួងចិត្តរបស់យើងទៅលើទ្រព្យសម្បត្តិ អំណាច មុខតំណែង ឬការឲ្យតម្លៃរបស់ពិភពលោកនេះនោះទេ ។ នេះគឺជាគោលការណ៍មួយចំនួន ដែលយើងត្រូវបានបង្រៀនអំពីការរស់នៅក្នុងពិភពលោកនេះ ៖
សូមដាក់កិច្ចការនៃព្រះជាមុនសិន ។ « ចូរស្វែងរកនគរ និងសេចក្តីសុចរិតនៃព្រះជាមុនសិន » ( ម៉ាថាយ ៦:៣៣ ) ។ នៅក្នុងដួងចិត្ត និងជីវិតរបស់យើង បទបញ្ញត្តិរបស់ព្រះ និងសេចក្តីសញ្ញារបស់យើងជាមួយទ្រង់គឺជាអាទិភាពរបស់យើង ។
ស្វែងរកការរៀនសូត្រ « នៅពេលអ្នករៀនអំពីពិភពលោកជុំវិញអ្នក សូមរៀនផងដែរអំពីព្រះអង្គសង្គ្រោះ ។ … ពេលអ្នករៀនកាន់តែច្រើន នោះអ្នកក៏កាន់តែអាចជួយស្ថាបនានគររបស់ព្រះ និងមានឥទ្ធិពលលើពិភពលោកសម្រាប់ការណ៏ល្អផងដែរ » ( ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស [ ឆ្នាំ២០២២ ] ទំព័រ ៣១, ៣២ ) ។
ការងារ « ការងារគឺជាគោលការណ៍ដ៏សំខាន់មួយនៃដំណឹងល្អ ។ វាជំរុញឲ្យមានការរីកចម្រើន និងអភិវឌ្ឍដល់យើង ។ … ព្រះអម្ចាស់មិនត្រឹមតែមានព្រះទ័យឲ្យយើងផ្គត់ផ្គង់គ្រួសាររបស់យើងប៉ុណ្ណោះទេ ថែមទាំងមានព្រះទ័យឲ្យ ‹ ឧស្សាហ៍ចូលរួមក្នុងប្រយោជន៍ល្អ › [ គោលលទ្ធិ និងសេចក្ដីសញ្ញា ៥៨:២៧ ] » ( « Employment » ប្រធានបទ និងសំណួរ នៅលើបណ្ណាល័យដំណឹងល្អ ) ។