ភ្ជាប់ទំនាក់ទំនង
ម៉ាចា ស៊ី
អាយ ១៦ឆ្នាំ មកពីទីក្រុងដ្រាវ៉ា ប្រទេសស្លូវ៉ានី
រូបថតដោយ គ្រីស្ទីណា ស្ម៊ីធ
ម្តាយ និងឪពុករបស់ខ្ញុំបានបែកគ្នា នៅពេលខ្ញុំមានអាយុពីរឆ្នាំកន្លះ ។ ខ្ញុំទៅលេងឪពុករបស់ខ្ញុំជារៀងរាល់ខែ ហើយកាលខ្ញុំនៅក្មេង ការទៅលេងនោះពិតជាសប្បាយរីករាយណាស់ ។ ប៉ុន្តែនៅពេលខ្ញុំធំឡើង យើងមានការអាក់អន់ចិត្តមួយចំនួន ហើយរឿងកាន់តែធ្ងន់ធ្ងរទៅៗ ។
ខ្ញុំចាំបានថា ខ្ញុំបានយំដាក់ម្តាយរបស់ខ្ញុំថា ខ្ញុំលែងចង់ទៅលេងឪពុករបស់ខ្ញុំទៀតហើយ ។ ម្តាយខ្ញុំប្រាប់ថា « សូមអធិស្ឋាន ហើយអ្វីៗគ្រប់យ៉ាងនឹងបានល្អប្រសើរ » ។ ហើយខ្ញុំក៏បានអធិស្ឋាន ។
ព្រះបានជួយខ្ញុំ និងឪពុករបស់ខ្ញុំ ។ ឥឡូវនេះ យើងមានទំនាក់ទំនងល្អជាងមុន ។ នៅពេលគាត់ទៅលេងប្រទេសកំណើតរបស់គាត់នៅ ម៉ាសេដូនៀ គាត់ទូរសព្ទមកខ្ញុំ ហើយយើងនិយាយគ្នា ដូច្នេះខ្ញុំអាចនិយាយលេងជាមួយក្រុមគ្រួសាររបស់ខ្ញុំនៅទីនោះ ។
ព្រះយេស៊ូវគ្រីស្ទតែងតែជាកម្លាំងរបស់ខ្ញុំ ។ នៅពេលខ្ញុំមានបញ្ហាស្មុគស្មាញនៅសាលា ឬនៅផ្ទះ នោះទ្រង់តែងតែគង់នៅក្បែរខ្ញុំជានិច្ច ។ ខ្ញុំតែងតែមានអារម្មណ៍ថា ទ្រង់គាំទ្រខ្ញុំ ។
ខ្ញុំមានអំណរគុណដែលម្តាយរបស់ខ្ញុំបានណែនាំខ្ញុំមកកាន់សាសនាចក្រ និងមករកព្រះ ព្រោះវាពិតជាបានជួយយើងយ៉ាងច្រើនជាច្រើនឆ្នាំមកនេះ ។ ព្រះ និងព្រះយេស៊ូវគ្រីស្ទតែងតែការពារ និងមើលថែយើង ។