សំណួរ និង ចម្លើយ
« តើខ្ញុំអាចនៅតែមានក្តីសង្ឃឹម និងរៀបចំសម្រាប់អនាគតគ្រួសាររបស់ខ្ញុំដោយរបៀបណា ខណៈដែលពិភពលោកនេះកំពុងធ្លាក់ចុះបែបនេះ ? » ?
« ព្រះអម្ចាស់បានបញ្ជាយើងឲ្យបង្កើតកូនឲ្យចម្រើនជាច្រើនឡើងឲ្យមានពេញពាសលើផែនដី ហើយបានសន្យាថានឹងការពារពួកយើងតាមរយៈសេចក្តីសញ្ញា ដែលយើងបានធ្វើជាមួយទ្រង់ ។ ផែនការរបស់ព្រះគឺល្អឥតខ្ចោះ ។ ខ្ញុំដឹងថា នៅពេលដែលខ្ញុំមានកូន—ប្រសិនបើខ្ញុំគោរពតាមអ្វីដែលទ្រង់បានបញ្ជាខ្ញុំ—ទ្រង់មានភារកិច្ចដើម្បីប្រទានពរ និងការពារខ្ញុំ និងគ្រួសាររបស់ខ្ញុំ ស្របតាមព្រះបញ្ញាញាណរបស់ទ្រង់ » ។
ហ្សាយអណា អូ អាយុ ១៦ ឆ្នាំ រដ្ឋហាវ៉ៃ ស.រ.អា
« ខ្ញុំរកឃើញសេចក្តីក្តីសង្ឃឹមនៅពេលដែលខ្ញុំអនុវត្តសេចក្ដីជំនឿលើព្រះ និងផែនការរបស់ទ្រង់សម្រាប់ខ្ញុំ ។ នៅពេលពិភពលោកកំពុងធ្លាក់ចុះ ខ្ញុំអាចបែរទៅរកទ្រង់សម្រាប់ភាពសុខសាន្ត ។ ពររបស់លោកអយ្យកោរបស់ខ្ញុំ ជួយខ្ញុំឲ្យដឹងថា ព្រះវរបិតាដែលគង់នៅស្ថានសួគ៌ស្គាល់ខ្ញុំច្បាស់ជាងនរណាៗទាំងអស់ ហើយស្រឡាញ់ខ្ញុំ ។ វាផ្តល់ឲ្យខ្ញុំនូវទំនុកចិត្តថា អ្វីគ្រប់យ៉ាងនឹងប្រសើរឡើង » ។
ឡូហ្គិន អេ អាយុ ១៦ ឆ្នាំ រដ្ឋតិចសាស់ ស.រ.អា.
« វាជួយខ្ញុំឲ្យដឹងថា ព្រះស្រឡាញ់ខ្ញុំ មានផែនការសម្រាប់ខ្ញុំ ហើយនឹងជួយខ្ញុំឆ្លងកាត់គ្រាដ៏លំបាក ។ វាក៏ជួយឲ្យខ្ញុំដឹងផងដែរថា សេចក្តីសញ្ញារបស់ខ្ញុំបានចងភ្ជាប់ខ្ញុំទៅនឹងព្រះគ្រីស្ទ ហើយធ្វើឲ្យខ្ញុំអាចទទួលបាននូវព្រះចេស្តា និងកម្លាំងរបស់ទ្រង់ » ។
លីឌី អិល អាយុ ១៨ ឆ្នាំ រដ្ឋយូថាហ៍ ស.រ.អា.
« សូមស្វែងរកសេចក្តីអំណរនៅក្នុងព្រះគ្រីស្ទ បទគម្ពីរ និងការអធិស្ឋាន ។ ប្រសិនបើយើងអាចរៀនថា គំនិតតែមួយគត់ដែលសំខាន់ គឺគំនិតរបស់ព្រះអង្គសង្គ្រោះ វានឹងធ្វើឲ្យជីវិតកាន់តែងាយស្រួល ។ ការសម្រេចចិត្តដោយផ្អែកលើមតិរបស់មនុស្សនៅជុំវិញយើង វាអាចបង្ខំឲ្យយើងធ្វើការសម្រេចចិត្តដែលអវិជ្ជមាន » ។
ខាស ភី អាយុ ១៦ ឆ្នាំ រដ្ឋយូថាហ៍ ស.រ.អា.
« យើងគួរតែដាក់ទីទុកចិត្តរបស់យើងលើព្រះ និងបង្កើនផ្នត់គំនិតវិជ្ជមាន ។ យើងទាញយកការបំផុសគំនិតពីអ្នកដទៃដែលបានយកឈ្នះបញ្ហាប្រឈមស្រដៀងគ្នា ។ មួយវិញទៀត ការគោរពបទបញ្ញត្តិ ជាពិសេសច្បាប់ព្រហ្មចារីភាព និងការមានគុណធម៌ បានដាក់គ្រឹះដ៏រឹងមាំសម្រាប់ការកសាងនូវការបំពេញជីវិតគ្រួសារ ទោះបីជាមានការបាក់ទឹកចិត្តពីខាងក្រៅក៏ដោយ » ។
ឌីវ៉ាញ អូ អាយុ ១៩ ឆ្នាំ ទីក្រុងឡាហ្គោស ប្រទេសនីហ្សេរីយ៉ា